Proverbs 24:7 - Bible Ni Thothup

⁷ Thin ko gonop e yigub to’ar rok be’ nib pinat ni nge nangfan. Dariy ban’en nrayag ni yog u nap’an ni yira puruy’nag ban’en nib ga’fan.

Proverbs 24:7 Σταυροειδείς Αναφορές

BABYOR NI JOB 31:21

Fa’anra ka’a gu bannag be’ ni kanim’ rok, ni bochan e gu manang ni gu ra gel ngak u tafen e puf oloboch,

BABYOR NI JOB 5:4

Pifakrad e dabiyag ni nge dabi buch ban’en rorad; dariy be’ nra ayuwegrad u tafen e puf oloboch.

Psalms 10:5

Pi’in kireb e ma fel’ rograd ko tin yad ma ngongliy. Ya dar nanged fan rogon e pufthin rok Got; ma mad ma girig ko pi to’ogor rorad.

Psalms 127:5

Ba felfelan’ e re mo’on ni bay e mit i gan e gat’ing nem rok! Ya dabiyag ni nga ni gel ngak ko ngiyal’ ni yad ra lu’ag e pi to’ogor rok e thin u tagil’ e puf oloboch.

Proverbs 14:6

Girdi’ nib ufanthin e dariy e ngiyal’ ni yad ra gonop, ma girdi’ nib tamilngan’ e ba mom nma mit ban’en ngorad.

Proverbs 15:24

Girdi’ nib gonop e be yan ko kanawo’ nib sor ngalang ko yafos, ma gathi ba kanawo’ ni sor nga but’ ko yam’.

Proverbs 17:16

Dariy gam’ingin ngak be’ nib balyang ni nge n’ag e salpiy ko sukul, ya dariy e nangan’ rok.

Proverbs 17:24

Be’ nib llowan’ e ma nameg e ngongol nib gonop, ma en nib balyang e der muduwgil e gin nge yan ngay.

Proverbs 17:7

Girdi’ ni yima ta’farad e darir ma bangad, ma pi’in balyang e dariy ban’en ni yad ra yog ni bay fal’ngin.

Proverbs 22:22

Dabi mang i tay ngom ngu’um fek ban’en rok be’ nib gafgow ni bochan e rayag rom; dabi mang i tay ngom ni ngu’um gafgownag e pi’in ka ra magawon gad u tafen e puf oloboch.

Proverbs 28:5

Girdi’ ni kireb e der manang fan e tin nib mat’aw, machane pi’in be liyor ngak SOMOL e yad mnangfan ni bfel’ rogon.

Proverbs 31:23

Ma figirngin e ba ga’ bugwan, me ir reb fapi girdi’ nma yog e thin u lan binaw.

Isaiah 29:21

Ra thang Got e pi’in yad ma gathibthibnag boch e girdi’, nge pi’in ma taleg e gechig ni dabi aw ko pi’in kireb, nge pi’in yad ma lufith l’ugunrad ni nge m’ing e thin nga daken e pi’in bfel’ e rok.

Isaiah 32:6

Be’ nib balyang e ma yog e thin ko balyang, mma leamnag e pin’en nib kireb ni nge rin’. N’en ma rin’ nge n’en ma yog e ba togopluw ngak SOMOL, ma dar ma pi’ e ggan ngak e girdi’ ndariy e ggan rorad ara pi’ e garbod ngak e girdi’ ndariy ban’en ni yad ra unum.

Amos 5:10

Gimed e girdi’ ni gimed be fanenikay e en be togopluw ko tin de mat’aw ma be weliy e tin rriyul’ u tafen e puf oloboch.

Amos 5:12

Gu manang feni kireb e denen ni gimed be rin’, nge urngin e yupa’ i oloboch ni kam ngongliyed. Gimed be gafgownag e girdi’ ni bfel’, ma gimed be fek puluwon e sasalap, ma gimed be taleg mat’won e pi’in gafgow u tafen e puf oloboch.

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

1 Korinth 2:14

Machane cha’ ndariy fare Kan ni Thothup rok e dabiyag ni nge yag ngak e pi tow’ath nma yib rok e Kan ni Thothup rok Got. Ya ri der nang fan, ma thin ko balyang u wan’, ya fan e yira nang ni kemus ni Kan ni Thothup e ra dag.