Proverbs 24:6 - Bible Ni Thothup

⁶ Thingar mu tanom ni bfel’ rogon u m’on ni ngam man ko mael, ma feni fel’ rogon e fanow ni ka ni tay ngom, aram feni fel rogon ni ga ra gel.

Proverbs 24:6 Σταυροειδείς Αναφορές

2 Kronicles 22:4

I denen nib togopluw ngak SOMOL, ya nga tomuren ni yim’ e chitamngin ma boch chon e tabnaw rok Ahab ni Pilung e ra manged pi tafanow rok, miyad waliy i yan nge mul.

Proverbs 11:14

Ra kireb ba nam ni fa’anra dariy e fnow riy. Ra fel’ rogon ni fa’anra yo’or e pi tafanow riy

Proverbs 15:22

Mu fek gubin e fanow nrayag ngom, ma rayag e tin ga be leamnag; mra dariy ma dabi fel’ rogom.

Proverbs 20:18

Nge yag e fanow ngom ni bfel’ me fel’ rogon e tin ga be nameg; dab mu og nigem i yan ko mael ndawor mu tanomnag rogom.

Luke 14:31

Fa’anra yan reb e pilung nike fek ragagi biyu’ e girdi’ ni nge cham ngak reb e pilung nike yib ni nge togopluw ngak ni rliw’ e biyu’ e girdi’ e ke fek, ma som’on e ra par nga but’ nge leamnag ko ba gel nra mada’nag fa binem e pilung fa danga’.

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.