Proverbs 24:2 - Bible Ni Thothup

² K’ar oloboch e kemus e tin yad ma leamnag; gubin ngiyal’ ni yad ra pithig langrad me nge gafgow be’.

Proverbs 24:2 Σταυροειδείς Αναφορές

BABYOR NI JOB 15:35

Irera’ e girdi’ nma leamnag e kireb ma yad ma rin’ e kireb. ma ba sug gum’ircha’rad ko sasaliyab ni gubin ngiyal’.

Psalms 10:7

Welthin rorad e ba sug ko yaba’, nge ban, nge thin ni yargal; ma ba papey ni yad ma yog e thin nra kirebnag lanyan’ be’, nge thin ni kireb.

Psalms 140:2

Gubin ngiyal’ ni yad be t’ar liyaben e tin kireb, gubin ngiyal’ ni yad be k’aring e malu’eg thin.

Psalms 28:3

Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 38:12

Pi’in yad ba’adag ni ngar thanged e fan rog e yad be tay e wup ni nggu aw ngay, ma pi’in yad ba’adag ni ngar maad’adgad ngog e yad be yog ni ngar gafgow nigedgag; darir talgad ko makath nib togopluw ngog.

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

Proverbs 1:10

Fakag, ra yib e girdi’ ni tadenen ra meliyed gur nga ban’en nib kireb, ma dab mupagem ngorad.

Proverbs 24:8

Fa’anra urngin ngiyal’ ma ga be tanomnag e kireb, ma bayi par nga langay nge wear thim ni gur be’ ni ga ba tak’ar oloboch.

Proverbs 6:14

ma aram n’umngin nap’an ni yad be tanomnag e kireb u lanin’rad nib pig nga bang, miyad be k’ar oloboch u gubin yang.

Isaiah 30:12

Machane ba’aray e n’en ni be yog fare Got nu Israel nib thothup ni be ga’ar: “Ka mu feked yathin e n’en ni kugog ngomed ma kam toergad ko cham nge sabanban.

Isaiah 59:4

Ma lan tagil’ e puf oloboch ni ga ra yan ngay, ma tin mat’aw e dariy u barba’ i to’bem. Ya sasalap l’ugun e ir e kam ta’ ngay ni ngam gel riy u kort. Ka mu rin’ e tin nim gonpiy ni ngam gafgownag boch e girdi’ riy.

Jeremiah 22:17

Machane gur e kemus ni tin ni bfel’ ngom e ga ma guy; um thang e fan ko girdi’ ni dariy ban’en nike bucheg mu’um gafgownag e girdi’ rom nib almirin. I SOMOL e be non.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Acts 13:10

me ga’ar, “Fak e mo’onyan’ gur! I gur e to’ogor rok urngin e tin ni bfel’ ban’en; gab sug ko urngin mit e sabanban ni kireb, ma gubin ngiyal’ ni ga be guy rogon ni ngam pingeg e thin rok Got nib riyul’ nge yan i par u wan’ e girdi’ ni thin ni malifith!

1 Samuel 23:9

Nap’an ni rung’ag David nike t’ar Saul liben ni nge cham ngak, me ga’ar ngak Abiathar ni prist, “Mfek fare efod i yib ngaray.”