Proverbs 22:4 - Bible Ni Thothup

⁴ Um par ni bay madgun SOMOL u wan’um, ma ba sobutan’um, me yo’or ban’en rom, ma ga par ni yibe ta’fam, me n’uw nap’am.

Proverbs 22:4 Σταυροειδείς Αναφορές

Proverbs 19:23

Mu fol rok SOMOL ma ga par nib n’uw nap’an e yafos rom, ma ga ba gaman ndariy ban’en nra buch rom.

Proverbs 21:20

Pi’in nib gonop e yad ma par ni bfel’ rograd ma ba yu’ e urngin ngorad, ma girdi’ ni pinat e yad ma wereg e salpiy rorad u payngin ni be yib nga pa’rad.

Proverbs 21:21

Ngu’um gol ma ga yul’yul’ mra n’uw nap’an e yafos rom; ma bayi tay boch e girdi’ fam miyad gol ngom.

Proverbs 22:3

Girdi’ nib sul lanin’rad ngorad e yad ra guy e oloboch ni be yib miyad pilo’ riy, ma be’ ni der leam e ra yan nga fithik’, ma tomuren e ra kalngan’.

Proverbs 22:5

Fa’anra ba t’uf rom e pogofan rom, ma ngam par u orel ko pi wup ni bay u kanawo’ ni girdi’ ni kireb e ma aw ngay.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Proverbs 3:16

Gonop e ra n’uwnag nap’am ko biney e tamilang, ma ra yagnag ngom e fel’ rogon nge tayfan.

Proverbs 31:30

Feni pidorang be’ ni bpin e rayag ni nge ban nigey, ma pidorang e ma m’ay, machane be’ ni bpin ni be par ni bay madgun SOMOL u wan’ e thingar nog e sorok ngak.

Isaiah 33:6

me tay e re nam ney nike duwgil. Gubin ngiyal’ nma yoror rok e tirok e girdi’ ma be pi’ e gonop nge llowan’ ngorad. N’en nib th’abi t’uf rorad e madgun SOMOL ni ngi i par u wan’rad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Daniel 4:36

“Fa’ani sul lanin’ug ngog, min fulweg ngog e gagiyeg rog, nge tayfan, nge fanag pilung. Ma pi tafnow ni gamad ma puruy’ nge pi tolang ni yad bay u tan pa’ag e ra felfelan’gad ni kug sul, min fulweg ngog matwug ni pilung, nike gel e tayfan ni yibe tay ngog ko som’on.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.

James 4:10

Mu sobut’niged lanin’med u p’eowchen Got me tolangnagmed.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”