Proverbs 22:16 - Bible Ni Thothup

¹⁶ Fa’anra u mu fal’eg e tow’ath rok e girdi’ nib yo’or ban’en rorad ara mu gafgownag e pi’in gafgow ya nge yo’or ban’en rom, me gur e ra m’ay ban’en rom.

Proverbs 22:16 Σταυροειδείς Αναφορές

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Proverbs 28:22

Girdi’ ni bfel’ ngak e yad be gur niged yad ni nge yo’or ban’en rorad, ma darir nanged ni aram e nge anog e gafgow.

Proverbs 28:3

Be’ nma gagiyeg nma gafgownag e pi’in gafgow e bod e n’uw nib gel nma gathay e woldug.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Luke 16:24

Ma aram me pong ni ga’ar, ‘Abraham nchitamag! Mu runguyeg, mol’oeg Lazarus nge lthag bugul i pa’ nga fithik’ e ran nge garbebnag bolowtheg ngay, ya dab kug sow ko amith u fithik’ e re nifiy ney!’

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.