Proverbs 21:6 - Bible Ni Thothup

⁶ Fla’ab nike yag ngom ko sasaliyab e dabi n’uw nap’an me m’ay, machane ke waliyem i yan ko yam’.

Proverbs 21:6 Σταυροειδείς Αναφορές

Proverbs 13:11

Feni mom nrayag e salpiy ngom, e aram feni mom nra thay u pa’am. Feni mo’maw’ ni mu yagnag, aram feni ra yo’or rom.

Proverbs 10:2

Fla’ab nrayag ngom u fithik’ e sasaliyab e dabi fel’ rogom riy, machane yul’yul’ e ra ayweg e yafos rom.

Proverbs 20:21

Rogon feni mom e fel’rogon ni yag ngom, e aram feni lich e n’en nra fel’ riy ngom.

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Proverbs 8:36

Ma en ndabi piri’egeg e ra i gafgownag ir; ma en ni be fanenikayeg e ba’adag e yam’.”

Proverbs 30:8

Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

Proverbs 22:8

Fa’an ga ra yung e awoch ko tin nde mat’aw, ma riya’ e ra yib i for riy, ma gafgow ni um tay ngak boch e girdi’ e bayi tal.

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!

Proverbs 20:14

En ni nge chuway’ e yug be togopluw nga tolngin puluwon e chugom, ma nap’an nra yan me weliy ni ba uf nga rogon nike fek nib sobut’ puluwon.

Titus 1:11

Dabi siy ni ngan talegrad ko tin ni yad be weliy, ya yad be yo’ornag laniyan’ girdi’en e tabinaw i yan, ni bochan e yad be machibnag e tin nsusun e dab ra machib niged ni fan e kemus ni nge yag e salpiy ngorad, ni ban’en ni ngan tamra’ ngay.

Ezekiel 18:31

Mpaged urngin e kireb ni gimed be rin’ mi gimed tay lanin’med nge gum’ircha’med nike be’ech. Mang ni gimed ba’adag piyu Israel ni ngu’um m’ad?”