Proverbs 21:12 - Bible Ni Thothup

¹² Got, ni facha’ nib mat’aw, e manang ko mang e n’en ni be buch u lan e pi tabnaw rok e pi’in kireb, ma ir e ra girngiyrad nga but’ ko gafgow.

Proverbs 21:12 Σταυροειδείς Αναφορές

Genesis 19:29

Machane fa’ani kirebnag Got e gali binaw nem ni bay u lan fare loway, ma bay Abraham u wan’, ma aram me pag Lot nge mil nde buch ban’en rok.

BABYOR NI JOB 5:3

Kug guy e pi’in balyang ni yad be par ni gowa dabi buch ban’en rorad, ma kug yiblayrad ni nge buch ban’en nib tomgin u tabnaw rorad.

BABYOR NI JOB 8:15

Fa’an yad ra gif nga ba tafen e gonow, ma gur, ra duwgiliyrad ni dab ra thiggad? Fa’an yad ra malle’ nga bael’ i tret, ma ra yuwegrad ngar sak’iygad?”

Psalms 107:43

Pi’in yad ba gonop e mang e yugur leam niged e pin’ey; mang e yugur tafnay niged fare t’ufeg rok SOMOL ni dabimus.

Psalms 52:5

Are Got e bayi tem ko bin but’ e fol ni dariy n’umngin nap’an; bayi tharbegem u tafnam; bayi chuwegem ko fayleng ko pi’in bafos.

Proverbs 13:6

Ngongol nib mat’aw e yoror rok e pi’in yad ba yal’uw; ma pangin nib kireb e aram e mul nma tay e pi’in tadenen.

Proverbs 14:11

Naun rok be’ ni bfel’ e ra par u lang u tomuren nike puth e naun rok e en nib kireb.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Proverbs 29:16

Fa’anra pi’in kireb e be gagiyeg, me yo’or e oloboch. Machane pi’in nib mat’aw e yad ra par i yan ngar guyed e girdi’ ni aram rogon ni nge thay pa’rad.

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

1 Korinth 10:5

Machane yugu aram rogon ma oren i yad e dar fel’gad u wan’ Got, ma aram fan ni ur m’ad nge wear dowrad u daken e ted i yan.