Proverbs 2:9 - Bible Ni Thothup

⁹ Fa’an ga ra motoyil ngog, ma ga ra nang e tin ni bfel’, ma ba mat’aw, ma ba yal’uw, ma ga ra nang ko mang e ngam rin’.

Proverbs 2:9 Σταυροειδείς Αναφορές

Psalms 119:105

Thin rom e ba magal ni be pow’iyeg, ma tamilang ko kanawo’ rog.

Psalms 119:99

Ba gel e tamilangan’ rog ngak urngin e pi sensey rog, ya gu ma leamnag e pi fonow rom.

Psalms 25:12

Pi’in yad ma fol rok SOMOL e yad ra fil rok e re wo’ ni ngranod riy.

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Proverbs 28:5

Girdi’ ni kireb e der manang fan e tin nib mat’aw, machane pi’in be liyor ngak SOMOL e yad mnangfan ni bfel’ rogon.

Proverbs 4:12

Dariy ban’en nra yib i magawonnag e kanawo’ rom ni fa’anra um man ni ga ba gonop, ma dabi tun em ko ngiyal’ ni ga be mil.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Proverbs 8:20

Gu be yan u kanawo’en e tin nib mat’aw, ngu daken e wo’ nib yal’uw,

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Isaiah 48:17

Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”