Proverbs 2:4 - Bible Ni Thothup

⁴ Mu changarnag ni bod feni almarin’ ni ga ra changarnag e silber fa boch e machaf nib mith.

Proverbs 2:4 Σταυροειδείς Αναφορές

Genesis 26:32

Kre rran nem me yib e pi tapigpig rok Isak nga rogned ngak murung’agen fare luwed ni kar kired. Ra ga’argad ngak, “Kug patgad ko ran.”

BABYOR NI JOB 3:21

Yad be sonnag e yam’, ma der yib ngorad; kabfel’ ba low ko yam’ u wun’rad ko machaf.

Psalms 119:127

Ba t’uf rog e tin kam ta’chiylen ko gol, bfel’ u wun’ug ko tin th’abi fel’ e gol.

Psalms 119:14

Gu ba felfelan’ ni gu be fol ko tin kamog ni ngan rin’, ku gu ba’adag ko bin nge yo’or ban’en rog.

Psalms 119:72

Fare mmotochiyel ni mu pi’ ngog e ba ga’ fan u lanin’ug ko urngin e salpiy u lan e re fayleng ney.

Psalms 19:10

Ya motochiyel rok e kabfel’ u wun’ug ko gol, ni mus ko tin th’abi fel’ e gol kab athibthib ko honey, ni honey ndawor ni athkuy ban’en ngay.

Proverbs 16:16

Rib fel’ nrib pag feni fel’ ni nge yag e gonop nge llowan’ ko bin nge yag e gol nge silber.

Proverbs 2:3

Arogon, mu ning e llowan; ma ga wenignag ni nge ga’ e nangan’ rom.

Proverbs 23:23

Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.

Proverbs 4:7

Gonop ni nge yag ngom e ireram e n’en th’abi ga’fan ni ga ra rin’. Ma tin kabay ni nge yag ngom e nangan’.

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Eklesiastes 4:8

Ba’aray be’ nma par rok ni go’ ir. Dariy fak ni pumo’on, fa walagen ni pumo’on, ma maruwel ni gubin ngiyal’, ma der gaman u lanyan’ ko fel’ rogon ni bay rok. Fan ngak mini’ e tinef e maruwel ni aram feni almarin me pag ni da ki un ko felfelan’? Ku ara’ reb nib m’ayfan — ma ba gafgow e par riy.

Matthew 13:44

“Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Luke 16:8

Ma fa’anem nib sabanban ni ir e ma kol babyoren e chugum rok fare masta e yog fare masta e sorok ngak ko sasalap ni be tay; ya girdi’ nu roy u fayleng e kab gel farad sasalap u rogon ni yad ma gagiyegnag e tirorad ban’en ko girdi’ ni yad girdi’en e tamilang.”