Proverbs 2:20 - Bible Ni Thothup

²⁰ Are ngam folwok ko girdi’ nib manigil ma ga par nib mat’aw e par rom.

Proverbs 2:20 Σταυροειδείς Αναφορές

Psalms 119:115

Gimed e girdi’ ni tadenen, mu pired u palog rog. Ya bay ug fol ko tin ke tay e Got rog chiylen.

Psalms 119:63

I gag e fager rok urngin e pi’in yad ma pigpig ngom, ni gubin e pi’in yad ma fol ko pi motochiyel rom.

Proverbs 13:20

Mu pachegem ngak e pi’in yad ba gonop me yag e gonop ngom. Fa’an ga ra m’agem ngak e girdi’ ni pinat, ma gur e ga ra gafgow.

Proverbs 4:11

Kugfil ngom e gonop nge rogon e par nib yal’uw.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Proverbs 8:20

Gu be yan u kanawo’en e tin nib mat’aw, ngu daken e wo’ nib yal’uw,

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Hebrews 6:12

Dabumad ni ngam malmalgad, machane ngam pired ni gimed bod e pi’in nib mich Kristus u wun’rad ma ba gum’an’rad, ma aram fan nike yag ngorad e tin ni yog Got nra pi’.

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.