Proverbs 2:14 - Bible Ni Thothup

¹⁴ pi’in yad ma pir’eg e felfelan’ ko ngongol ni kireb ma yad ba’adag e kireb ni dariy gam’ingin,

Proverbs 2:14 Σταυροειδείς Αναφορές

Proverbs 10:23

Ba balyang e an ma felfelan’ ko kireb ni be rin. Girdi’ nib tamilangan’ e ma felfelan’ ko gonop.

Proverbs 21:10

Girdi’ ni kireb e gubin ngiyal’ ni yad ma yim’ ni bochan e kireb; ma darir rrungyed be’.

Proverbs 4:16

Girdi’ nib kireb e dabi mol owcharad ni fa’anra dawor ra ngongliyed ban’en nib kireb. Dabiyag ni ngar molod ni fa’anra dawor ra gafgow niged be’.

Jeremiah 11:15

I SOMOL e be ga’ar, “Pi girdi’ ni yad ba t’uf rog e yad be rin’ e ngongol nde fel’. Mang mataw’rad ni ngarbad nga Tempel rog? Yad be leamnag nrayag ni ngar taleged e riya’ ko tin yad be micheg nge gamanman ni yad be pi’ ni maligach? Gur, yad ra felfelan’?

Hosea 7:3

Be ga’ar SOMOL, “Girdi’ e ra ban niged fare pilung nge pi tayugang’ rok ko pi makath rorad ni kireb.

Habakkuk 1:15

Girdi’ nu Babylon e yad ma kol e girdi’ ko lam ni bod rogon ni yima kol e nig. Yad ma kolrad ko nug, ma yad be garusnag e felfelan’ ni bochan e n’en ni kar koled ko nug!

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Roma 1:32

Yad manang ni motochiyel rok Got e be yog ni girdi’ ni be ngongol ni aray rogon e bay rogon ni ngan li’rad ngarm’ad. Machane ka yad be ngongliy e pin’ey i yan — gathi kemus ara’, ya ku bfel’ u wun’rad e pi’in yad be rin’ e pi ngongol nem.

1 Korinth 13:6

en nib t’uf Got rok nge girdi’ e de fel’ u wan’ e ngongol nib kireb, machane ba felfelan’ ko tin nib riyul’.