Proverbs 18:3 - Bible Ni Thothup

³ Denen nge tamra’ e ma yan u ta’bang. Ga ra mul ko liw rom nib tolang ma moning e ra yib nga luwan.

Proverbs 18:3 Σταυροειδείς Αναφορές

Nehemiah 4:4

I gag Nehemiah e gu meybil ni lungug, “Got, mu telim ko moning ni yad be tay ngomad. Mfulweg ngorad e moning ni yad be tay ngomad. Mu gagiyeg nagrad nga ni fek u fithik’ e yargel urngin e pin’en ni bay rorad, min fekrad ni kalbus nga reb e nam.

Psalms 69:20

Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

Proverbs 11:2

Pi’in yad ba tolangan’ e rib pay nra m’ing kowonrad. Ka ba gonop e en ba sobut’an.

Proverbs 13:5

Girdi’ nib yul’yul’ e ba fanenikay e malulifith l’ugun, ma thin ko girdi’ ni kireb laniyan’ e ba k’artamra’ ma ba m’ayfan.

Proverbs 18:2

En nib balyang e dariyfan u wan’ ni ngari nangfan ban’en; kemus ni ba’adag ni nge m’ug ni ir e ba llowan’.

Proverbs 18:4

Thin rok be’ e rayag ni nge mang kenggin e gonop, nib to’ar ni bod e regur, ma ba kak’ling ni bod ba lul’ ni be yan.

Proverbs 22:10

Mu tuluf e en nib ufanthin, ma aram e ra tal e tugthin, toto’gor, nge yaba’.

Proverbs 29:16

Fa’anra pi’in kireb e be gagiyeg, me yo’or e oloboch. Machane pi’in nib mat’aw e yad ra par i yan ngar guyed e girdi’ ni aram rogon ni nge thay pa’rad.

1 Peter 4:14

Mu felfelan’gad ni fa’anra nog e thin nib kireb ngomed ni fan e gimed girdi’en Kristus; ya ra errogon ma fare Kan nib sorok ni aram fare Kan Nthothup rok Got e ke yib nga dakenmed.

1 Peter 4:4

Pi’in ndar nanged Got e kar gin gad ni fan e dakumur uned ngorad ko ngongol nib kireb ni yad be ngongliy, ma aram fan ni yad be yog e thin nib kireb ngomed.

1 Samuel 20:30

Me ri damumuw Saul ngak Jonathan me ga’ar ngak, “Gab fak e moro’ro’! Kug nang e chiney ni kam fol ngak David, kam darifan nigem nge fa’anem ni chitinam!