Proverbs 17:10 - Bible Ni Thothup

¹⁰ Be’ nib llowan’ e bo’or ban’en nra fil u ta’abyay ni ngan puwan’ ngak, ko en nib balyang ni kan toy ni ra’ay yay.

Proverbs 17:10 Σταυροειδείς Αναφορές

Psalms 141:5

Be’ nib manigil e mang e ra gechig nigeg me puwan’ ngog u fithik’ e t’ufeg, machane gag e dariy liben me fel’ u wun’ug e tayfan rok e girdi’ ni kireb, ni bochan e gubin ngiyal’ ni gu ma meybil nib togopluw ko tin yad be rin’ nib kireb.

Proverbs 13:1

Bitir nib gonop e ma motoyil ko fanow ko gallabthir, ma be’ nib tolngan’ e dabun ni nge dag ni ir e ba oloboch.

Proverbs 15:5

Rib balyang ni ngam pi keru’um ko fonow nike tay e gallabthir rom ngom; rib manigil ni ngar yal’uwegem ma ga fol.

Proverbs 17:11

Yam’ e mayib ni bod ba tamal’og ni der runguy be’ ngak e pi’in kireb ni go’ makar oloboch e yad ma tay.

Proverbs 17:9

Fa’anra ga ba’adag ni nge adag e girdi’ dakenam, magn’ag fan rorad e kireb rorad ko ngiyal’ ni kar ngongliyed e kireb ngom. Ra i par e kireb u wun’um ma rayag ni nge kirebnag thilimed e pi tafager.

Proverbs 19:25

Be’ nib tolngan’ e thingar ni gechignag, ya nge yag ni fil e pi’in der nanged ban’en riy. Ma fa’anra ga ba gonop ma ga ra fil ban’en ko ngiyal’ ni yibe yal’uwegem.

Proverbs 27:22

Fa’anra mu pirdi’iy be’ nib balyang nge chugur ni nge yim’, ma dabyag ni ngam pirdi’iy e balyang rok nge chuw rok.

Proverbs 29:19

Dabiyag ni ngam yal’uweg ba sib ni kemus ni nimon. Gomang e ra nang fan e n’en ni ga be yog, machane dabi fol riy.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.