Proverbs 16:9 - Bible Ni Thothup

⁹ Rayag ni ngam tanomnag e pin’en ni ngam rin’, machane Got e be pow’iy e ngongol rom.

Proverbs 16:9 Σταυροειδείς Αναφορές

2 Kronicles 22:7

Me maruwel Got ko re fangich ney ku Joram ni aram e nge thay pa’ i Ahaziah. Nap’an ni bay Ahaziah u rom, ma ranow ra guyew i Jehu nib mo’on ni fak Nimshi, ni aram e cha’ nike mel’eg SOMOL ni nge thang owchen fare tabnaw rok Ahab.

Psalms 37:23

I SOMOL e ma pow’iy be’ ngi i yan ko kanawo’ ni nge yan riy, ma be yororiy e en ni bfel’ u wan’.

Proverbs 16:1

Rayag ni ud tanom niged e tin ngu’ud rin’ed, machane Got e rib mil e thin ngak.

Proverbs 16:8

Bfel ni bochu’uw ban’en rom nim thognag u fithik’ e yul’yul’ ko bin nge yo’or ban’en rom ni yag ngom u fithik’ e sasalap.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Proverbs 20:24

I SOMOL e ke duwgiliy wo’dad. Ara ra di’in me nang be’ ko uw e gin be sor e yafos rok i yan ngay?

Proverbs 21:1

I SOMOL e ma gagiyegnag lanyan’ ba pilung nrib mom ni bod nma pow’iy wo’en e lul’.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Isaiah 46:10

Gog ko tabolngin e tin bay ko tungun; kab kakrom mu gog e tin bayib. Mu gog ni tin kem’ay i leamnag rog e dabiyag ni nge thil; ya gu ra rin’ urngin e tin kem’ay i leamnag rog.

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”