Proverbs 16:6 - Bible Ni Thothup

⁶ Mu par ni ga ba yul’yul’ ma rogon e rogon ma bay e michan’ rom, mra n’ag Got machan e denen rom. Ngu’um liyor ngak SOMOL ma dariy ban’en nra buch rom.

Proverbs 16:6 Σταυροειδείς Αναφορές

Genesis 20:11

Me fulweg Abraham ngak ni ga’ar, “Kug rin’ ni bochane ug leamnag ndariy be’ nma liyor ngak Got u roy ma yira li’eg ngan fek le’engig.

Nehemiah 5:15

Gubin e pi’in ur governor gad ni yad ba m’on rog e ur tomal niged e girdi’, ya ur feked e ggan nge wayin ko girdi’ ma yad be yog nra reb e rran ma nge pi’ e girdi’ aningeg i ragag e silber ni salpiy. Mus ngak e pi tagpigpig rorad mu’ur gafgow niged e girdi’. Machane gag e ba thil e ngongol rog, ni bochan e ug tayfan Got.

Nehemiah 5:9

Ma aram mug ga’ar, “Ba kireb e n’en ni gimed be rin’! Thangri mu folgad rok Got mi gimed rin e n’en ni bfel’. Ma aram e dabi yib e tawey rok e pi to’ogor rodad, ni aram e pi’in gathiyad piyu Israel ni ngar moning niged gadad.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Exodus 1:17

Machane gali ppin nem ni yow ma ayuweg e ppin u nap’an e gargel e bay madgun Got u wan’row, ma aram e dar folgow rok fare pilung; mi yow pag e bitir ni pumo’on ni dar li’ew.

Exodus 20:20

Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.”

Proverbs 14:16

Girdi’ nib sul lanyan’ ngak e yad ma guy rogon ni ngar pired u orel ko oloboch, ma girdi’ nib manan’ e yad ba wagagey ni yad ma ngongliy ban’en u fithik’ e gur gur.

Proverbs 14:2

Mu yul’yul’ ma ga dag ni bay madgun SOMOL u wun’um; mra dab mu yul’yul’ mra m’ug ni dariy daguwen u wan’um.

Proverbs 14:27

Ga ba’adag ni ngam liyeg ko yam’? Daguwen SOMOL e ba thang’el ko yafos.

Proverbs 16:5

I SOMOL e dabun gubin e pi’in tolngan’; ma dariy liben me pagrad ngar thaygad ko gechig.

Proverbs 20:28

Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.

Proverbs 3:3

Dab mu pithig pa’am ko yul’yul’ nge t’ufeg. Mu the’ row nga bilel’ugnam; mag yoloy nga lanin’um.

Proverbs 3:7

Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Daniel 4:24

“Pilung rog, ba’aray fan. Got ni Ir e Th’abi Tolang e ba’aray e n’en nike yog ni bayi buch rom.

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Levitikus 25:17

Dab mu sasalap ngak be’ nu Israel, machane ngam fol rok SOMOL ni Got rom.

Luke 11:41

Ere mpi’ed e n’en ni bay u lan e kap nge plet romed ngak e pi’in gafgow, me yan i par ni urngin ban’en ma ke be’ech u puluwmed.

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

Acts 15:9

De taydad ni gadad ba thil rorad; ya n’ag fan e denen rorad ni fan e mich Jesus u wun’rad.

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

Efesus 5:21

Nge bigimed mi i yan nga laniyan’ bigimed, ni bochan e gimed be liyor ngak Kristus.

Deuteronomy 30:13

Ma ku gathi bay u bang ni nge chur be’ u maday nge yan i fek. Dabiyag ni nge lungumed, ‘I mini’ e nge chur u maday nge yan i fek ngodad ngad rung’aged ma gadad fol riy?’

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.