Proverbs 15:9 - Bible Ni Thothup

⁹ I SOMOL e ba fanenikay e ngongol rok e pi’in kireb, machane ba t’uf rok e pi’in ma rin’ e tin nib mat’aw.

Proverbs 15:9 Σταυροειδείς Αναφορές

Psalms 1:6

I SOMOL e ra pow’iy me yororiy e pi’in yad ba mat’aw, machane en nib kireb e be yan u ba kanawo’ ni sor ngabang nib gel e gafgow riy.

Psalms 11:7

SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.

Psalms 139:24

Ma gguy ko bay e sabanban riy fa dariy, ma ga pow’iyeg u daken fa bin dabi m’ay e kanawo’.

Psalms 5:5

Dabyag ni ngam kadan’um ko pi’in tolngan’; ga ba fananikay urngin e pi’in kireb.

Proverbs 15:10

Fa’an ga ra rin’ e n’en nib kireb, ma yira gechig nagem nib gel; ga ra yim’ ni fa’anra dab mu pag ngan yal’oweggem.

Proverbs 21:21

Ngu’um gol ma ga yul’yul’ mra n’uw nap’an e yafos rom; ma bayi tay boch e girdi’ fam miyad gol ngom.

Proverbs 21:4

Girdi’ nib kireb e be gagiyeg nagrad e ufanthin nge tolngan’, ni irera’ e denen.

Proverbs 21:8

Pi’in nib buch e rorad e yad ma yan ko kanawo’ nib dalib, ma pi’in nde buch e rorad e yad ma rin’ e n’en ni bfel’.

Proverbs 4:19

Machane, fare pa’ i kanawo ko girdi’ ni kireb, e bod feni rumug e nep’. Bay ur dol’gad, machane dab ra guyed ko mang e be tun ayrad ngay.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Isaiah 26:7

SOMOL, i gur e ga be pacheg e wo’ ni fan ngak e pi’in ni bfel’; kanawo’ ni yad be milekag riy e ba ayal ma bpach.

Isaiah 51:1

I SOMOL e be ga’ar, “Motoyil ngog, gur e en ga ba’adag ni ngam thap, i gur e en ga be man ayuw ngog. Mu leamnag fare war ni mub riy ni ir e ni thirfem riy ngan ngongliyem.

Isaiah 51:7

“Mmotoyil ngog, ni gur e en gamnang e n’en nib mat’aw, nike rich e machib rog nga fithik’ i lanin’um. Dab murus ko ngiyal’ ni be kak’aringem e girdi’ ma yad be yog e thin nib kireb ngom;

Jeremiah 44:4

Dag tal i pi’ ngomed e pi profet ni tapigpig rog, ngi i yog ngomed ni dab mu rin’ed e ran’ey ni rib kireb ni gub fananikay.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Habakkuk 1:13

Ke di’in ma ke yag ni mu k’adan’um rok e pi girdi’ ney ndabiyag ni nge pagan’uy ngorad ma yad ba kireb? Lan owchem e kaygi thothup ni nge guy e kireb ni yibe rin’, ma dabiyag ni ngam par ngu’um guy e girdi’ ni yad be ngongliy e tin nde yal’uw. Ere mang ni kam th’ab gulungam kar pired ni yad be thang e pogofan rok e girdi’ ni kab gel e mat’aw rorad ngorad?

Matthew 7:13

“Marod ko bin nib wen’in e garog, ya ba ga’ langan e garog ko nifiy, ma kanawo’ ni yan ngay e bmom, ma bo’or e girdi’ ni be yan u daken.

Deuteronomy 7:13

Bay mu pired ni gimed ba t’uf rok mi i fal’eg wa’athmed, ma be yo’ornagmed, ma be yo’or pifakmed; me fal’eg rogon e woldug romed nge yib e ggan ngay ni pire’, ni grain nge wayin nge gapgep ni olive, me pi’ e garbaw nge saf ngomed ni pire’. Bayi pi’ ngomed urngin e pi fel’ rogon ney u lan e re nam nem ni micheg ngak pi chitamangimed ni kakrom ni bayi pi’ ngomed.

1 Timothy 6:11

Machane gur, e gur be’ ni girdi’en Got, ere mpar u orel ko pin’ey ni urngin ndab mu’un ngay. Mu athamgiliy e tin nib mat’aw, nge tin ni bfel’ u p’eowchen Got, ma ga par nib mich Got u wun’um, ma ba t’uf Got rom nge girdi’, mu um par ni gab k’adan’, ma gab sumunguy.

2 Timothy 2:22

Mu tem u orel ko tin nma ar’arnag e pi’in pagel, ma ga nameg e tin nib mat’aw, mu um athamgiliy ngu’um par nib mich Kristus u wun’um, ma ba t’uf Got rom nge girdi’, ma ba gapas lanin’um ngam un ngak e pi’in yad ma wenig ngak Somol u fithik’ e leam nib machalbog ni nge ayuwegrad Somol.