Proverbs 15:30 - Bible Ni Thothup

³⁰ Ba owchef nib siminmin e ra felfelan’ nigem, ma thin ni bfel’ e ra fal’eg lanin’um.

Proverbs 15:30 Σταυροειδείς Αναφορές

Ezra 9:8

SOMOL ni Got romad, chingiyal’ney e kam fel’egmad u lanin’um ka mu pag boch i gamad kar thaygad ko sib yad be par ko gin’ey nib thothup ni dabi buch ban’en rorad. Gur e ka mu pagmad ku gu thaygad ko sib ka mu pi’ reb e yafos ngomad nib be’ech.

Psalms 89:15

Ba felfelan’ e pi’in yad ma liyor ngom ko pi tang ni yad ma yin’, ni yad be par u fithik’ ram’en fanam gol.

Proverbs 12:25

Magfan’ e rayag ni iring e felfelan’ rom, machane thin ni bfel’ e ra ba’udeg lanin’um.

Proverbs 13:9

Pi’in nib mat’aw e yad bod ba magal ni ba ga’ ram’en; ma pi’in kireb e yad bod ba magal ni be n’en ni nge math.

Proverbs 15:29

Nap’an nra meybil e girdi’ ni bfel’ me motoyil SOMOL, machane ma sabalbalyang ko pi’in kireb.

Proverbs 15:31

Fa’an ga ra l’egilim ko ngiyal ni yibe yal’uwegnem ma ga ba gonop.

Proverbs 17:22

Fa’anra ga ba felfelan’ ni ga ma par ma ba falay nga fithik’ i dowam. Kirkireban’ e ma mliknag e pi yil.

Proverbs 25:25

Thin ni bfel’ nike yib u bang nib palog e yira rung’ag ma bod e ran nib garbeb ni ngan unum ko ngiyal’ nike malik k’angay ni kanim’ ko balel.

Proverbs 3:8

Fa’an ga ra rin’, ma ra yan i aw ni bod e falay ni bay angin nra golnag e yungin ke maad’ad u dowam me chuweg e amith rom.

Eklesiastes 11:7

Ba manigil ni nge yag ni ngu’un felfelan’ nga fel’ngin e tamilang ko rran.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

Revelation 22:5

Ma dakuriy e neap’, ma bayi par ndakuriy fan e magal ngorad ara ra’en e yal’, ni bochan e Somol ni Got e bayi mang tamilang ngorad, ma aram e bay ra pired ni kar manged pilung ngu’ur gagiyeggad ndariy n’umngin nap’an.