Proverbs 14:5 - Bible Ni Thothup

⁵ En nib pagan’uy ngak ni nge mang mich u ban’en e gubin ngiyal’ nma yog e tin rriyul’, ma be’ ni nge mang mich ni der pagan’uy ngak e go’ ban e ma yog.

Proverbs 14:5 Σταυροειδείς Αναφορές

1 Kings 21:13

Fa gal girdi’ nrib kireb e rognew u rom u fithik’ e girdi’ nike yog Naboth e thin nib kireb ngak Got nge en ni pilung, ma aram min fek Naboth nga wuru’ e binaw nga ni malangnag nge yim’.

Exodus 20:16

“Dab mu t’ar e thin nga daken be’.

Exodus 23:1

“Dab mu weliyed i yan murung’agen ban’en nde riyul’, ma dab mu folgad ngak be’ nib kireb e rok ngam micheged ban’en nde riyul.

Proverbs 12:17

Nap’an ni ga ra weliy e tin riyul’, min rin’ e tin ba yal’uw, machane malulfith l’ugun e ma soregney ko n’en nde yal’uw.

Proverbs 13:5

Girdi’ nib yul’yul’ e ba fanenikay e malulifith l’ugun, ma thin ko girdi’ ni kireb laniyan’ e ba k’artamra’ ma ba m’ayfan.

Proverbs 14:25

En ir e mich ko thin u tafen e puf oloboch e ra ayweg boch e pogofan u nap’an nra yog e tin rriyul’, ma nap’an nra sasalapiy l’ugun, ma aram e be’ nma yagnag e girdi’.

Proverbs 14:4

Ra dariy e garbaw ni nge girengiy fen e gi’ but’ mra par e naun ni tafen e ggan rom ni dariy ban’en riy, machane ra bay e garbaw mra sug ko grain.

Proverbs 14:6

Girdi’ nib ufanthin e dariy e ngiyal’ ni yad ra gonop, ma girdi’ nib tamilngan’ e ba mom nma mit ban’en ngorad.

Proverbs 19:5

Fa’an ga ra weliy e thin nde riyul’ u tafen e puf oloboch, ma yira gechig nagem, ndariy e gin ngam mil ngay.

Proverbs 19:9

Dariy be’ nra weliy e thin nde riyul’ u tafen e puf oloboch nrayag ni thay ko gechig; ya gafgow e nge tay.

Deuteronomy 19:16

Ra t’ar be’ e thin nga daken be’ ni be guy rogon ni nge gafgow fa’anem,

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Revelation 3:14

“Mu yol ngak fare engel ko galesiya nu Laodicea ni nge lungum: “Ba’aray e thin nike pi’ fa’anem ni ir fare Amen, ni ir e mich nib yul’yul’ ma ba riyul’ ko tin ni be weliy ni murung’agen Got, ni ir e tabolngin urngin ban’en ni sunumeg Got.