Proverbs 14:2 - Bible Ni Thothup

² Mu yul’yul’ ma ga dag ni bay madgun SOMOL u wun’um; mra dab mu yul’yul’ mra m’ug ni dariy daguwen u wan’um.

Proverbs 14:2 Σταυροειδείς Αναφορές

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

1 Kings 3:6

Me ga’ar Solomon, “Gubin ngiyal’ ni um dag nrib t’uf rom e chitamag i David ni tapigpig rom, ma i par ni bfel’, ma ba yul’yul’, ma mmat’aw u p’eowchem. Ma ka ga be dag nrib t’uf rom ya kam pi’ be’ nib mo’on ni fak ni ir e be gagiyeg e daba’ u tagil’.

2 Kings 17:34

Mus ko daba’ ma ka yad be rin’ e pi yalen ni kakrom rorad nem. Darir meybilgad ngak SOMOL ara ra folgad ko pi motochiyel nge ni ke tay SOMOL chiylen ngak e pi’in owchen Jakob, ni tunguy fithingan ni Israel.

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

BABYOR NI JOB 12:4

Mus ngak e pi tafager rog ma ku gu mang bmakak’ar ngorad; yad be minmin ngog, ni yug aram rogon ni gub mat’aw ni dariy thibngig; ma immoy bingyal’ nma fulweg Got taban e meybil rog.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Psalms 112:1

Ke sorok SOMOL! Nge felan’ e en ni bay madgun SOMOL u wan’, ma rib felfelan’ ngay nma folwok ko tin keyog ni ngan rin’.

Psalms 25:21

Fanag mat’aw nge fanag yul’yul’ e nge mang yoror rog, ya gur e ke pagan’ug ngom.

Proverbs 11:12

Rib balyang ni ngan weliy thibngin boch e girdi’. Fa’anra ba tamilang lanin’um, ma ga ra th’ab gulngam.

Proverbs 16:17

Pi’in yad bmanigil e yad ma yan u kanawo’ nib gilaf ko kireb; ere mu fal’eg i yaliy e gin ga be sor ngay — rayag ni nge ayweg e yafos rom.

Proverbs 16:6

Mu par ni ga ba yul’yul’ ma rogon e rogon ma bay e michan’ rom, mra n’ag Got machan e denen rom. Ngu’um liyor ngak SOMOL ma dariy ban’en nra buch rom.

Proverbs 19:1

Kabfel’ ni ga ba gafgow machane ga ba yul’yul’ ko gab sasalap l’ugun ma gab balyang.

Proverbs 2:15

ireram e pi girdi’ ni dabyag i pag e taga’ ngorad ma dabi pagan’uy ngorad.

Proverbs 28:6

Kabfel’ ni ga ba gafgow ma ga ba yul’yul’ ko bin ni ba yo’or ban’en rom ma gab sasalap.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Luke 10:16

Me ga’ar ngak pi gachalpen, “En nra motoyil ngomed, e ke motoyil ngog; ma en nra dabuymed e ke dabuyeg; ma en nra dabuyeg e ke dabuy e cha’ ni ir e ke l’oegeg ku gub.”

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Acts 10:35

En ni bay madgun Got u wan’ ma be rin’ e tin nib mat’aw e ra i par ni bfel’ u wan’ Got ndemturug ko be’ u kun nam.

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.