Proverbs 13:6 - Bible Ni Thothup

⁶ Ngongol nib mat’aw e yoror rok e pi’in yad ba yal’uw; ma pangin nib kireb e aram e mul nma tay e pi’in tadenen.

Proverbs 13:6 Σταυροειδείς Αναφορές

1 Kings 1:52

Me fulweg Solomon ni ga’ar, “Fa’anra i par nib yul’yul’, ma mus nga ta’ab gaf i piyan lolugen ndab ni math ngay; ma fa’anra danga’, ma yira thang e fan rok.”

1 Kings 13:34

Re denen rok ney ni rin’ e ir e girengiy e kireb nga daken e tabaw rok, nge chuw ko gagiyeg me math mit u roy u fayleng.

2 Kronicles 28:23

I pi’ e pi maligach ngak e pi got rok yu Syria, ni aram fare nam nike gel ngak ko mael. Ya ga’ar Ahaz, “Fapi got rok yu Syria e kar ayuweged e pi pilung nu Syria, ere fa’an gu ra pi’ e maligach ngorad ma sana kuyad ra ayuwegneg.” Ren’ey e girengiy e riya’ nga daken nge nga daken e nam rok.

Psalms 119:1

Nge felan’ e pi’in yad ma par ndariy thibngirad, ni pi’in yad ma fol ko motochiyel rok SOMOL.

Psalms 140:11

Mang e yigi dabi fel’ e tin be leamnag e pi’in yad ma t’ar e thin nga daken e girdi’; mang e yigi buch wa’athan e girdi’ nib ma’ngach ko cham nge math owcharad.

Psalms 15:2

Pi’in yad ma folwok rok Got u fithik’ urngin ban’en, ma gubin ngiyal’ ni yad ma rin’ e tin ni bfel’, ma thin ni yul’yul’ e yad ma yog,

Psalms 25:21

Fanag mat’aw nge fanag yul’yul’ e nge mang yoror rog, ya gur e ke pagan’ug ngom.

Psalms 26:1

A SOMOL, mog ni bfel’ e rog, ni bochan e gu be rin’ e n’en ni bfel’ ma rib pagan’ug ngom.

Proverbs 10:29

I SOMOL e ma yororiy e pi’in yul’yul’, machane ma kirebnag e pi’in yad ma ngongliy e kireb.

Proverbs 11:20

I SOMOL e ma fananikay e pi’in kireb lanin’rad, ma bt’uf rok e pi’in yad ma ngongol ni bfel’.

Proverbs 11:3

Fa’anra gab manigil, ma yul’yul’ e be pow’iyem. Girdi’ ni dabyag i pag e taga’ ngorad e sasaliyab rorad e ra kireb nagrad.

Proverbs 21:12

Got, ni facha’ nib mat’aw, e manang ko mang e n’en ni be buch u lan e pi tabnaw rok e pi’in kireb, ma ir e ra girngiyrad nga but’ ko gafgow.

Proverbs 5:22

Pi denen ko pi’in kireb e ba wup. Yad ma aw ngalan e nug ko kireb rorad.