Proverbs 13:4 - Bible Ni Thothup

⁴ Demutrug feni t’uf ban’en rok be’ nib gamead ma dabiyag ngak. Ma en nib pasig mab gel ko maruwel e rayag ngak oren e tin ba’adag.

Proverbs 13:4 Σταυροειδείς Αναφορές

Genesis 26:32

Kre rran nem me yib e pi tapigpig rok Isak nga rogned ngak murung’agen fare luwed ni kar kired. Ra ga’argad ngak, “Kug patgad ko ran.”

Psalms 92:14

nike pilbithir ma ku ma k’uf ni ku be par ni kab galunglung ma ku ba gel.

Proverbs 10:4

Gamead e ra fekem i yan ko gafow, machane maruwel nib gel e ra fel’rogom riy.

Proverbs 11:25

Nge puf pa’am, me aram e ra fel’ rogom. Mu ayweg boch e girdi’ mi ni aywegem.

Proverbs 12:11

Be’ ni girdi’en e milay’ e bo’or gan, ma rib pinat e en ma adbey tayim rok ko maruwel ni dariy gam’ingin.

Proverbs 12:24

Maruwel nib gel e ra pi’ gelngim; ma fanam gamead e ra mang nagem ba sib.

Proverbs 12:27

Fa’anra ga ba gamead ma dabiyag ngom e tin ga be nameg, machane fa’an ga ra maruwel nib gel ma rayag ngom e tin gab adag.

Proverbs 13:3

Ngam kol’ayuw ko thin ni ngamog ngam ayuweg e pogofan rom. Be’ nma non nder kol’ayuw e ir e yib e gafgow riy ngak.

Proverbs 13:5

Girdi’ nib yul’yul’ e ba fanenikay e malulifith l’ugun, ma thin ko girdi’ ni kireb laniyan’ e ba k’artamra’ ma ba m’ayfan.

Proverbs 20:4

Ba girdi’en e woldug nike pi’loren ngak ni nge gi’ e but’ ko yungi flang rok u fangin e woldug e dariy ban’en nra t’ar wom’ngin.

Proverbs 21:25

Girdi’ nib gamead ni daburad e maruwel e yad e ngar li’ed yad;

Proverbs 21:5

Mu tanom ni bfel’ rogon mra yo’or ni nge yag ngom; ma fa’an ga ra ab ab ma dariy e ngiyal’ ni ga ra gaman.

Proverbs 24:30

Gu wan u daken fa yung i flang nge milay’ ko grape rok be’ nib gamead ma ba pinat.

Proverbs 24:31

Ma ke sug ko pan ni bay e rchangal riy ma ke mathrow ko pan. Ma yoror riy ni malang e ke puth nga but’.

Proverbs 26:13

Mangfan ni girdi’ ni gamead e da rir oggad u naun rorad nga wean? Mang e yad be tamdag ngay? Pi layon?

Proverbs 28:25

Fel’ngak e kemus ni oloboch e ma k’aring. Bfel ni nge pagan’um ngak SOMOL.

Proverbs 6:6

Girdi’ ni gamead e thingar ra filed ban’en u rogon nma par e apurgog.

Proverbs 8:34

En nra rung’ag e tin gu be yog e ra felfelan’, ni en nra par u langan e mab rog ni gubin e rran, ni be son u langan e mab ko naun rog.

Tang Ko Pitang 5:3

Ku gu mu’ i luf madag; are mangfan ngku ni gun’ bayay? Ku gu luknag rifrifen eg; are mangfan ni ngkug alitnag bayay?

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Numbers 23:10

Pi’in owchen yu Israel e yad bod e fiyath, yad pire’ ndabiyag i the’egrad. Mu pag nggu museg e pi rran rog ni bod reb e girdi’ rok Got; Mu pag nggum’ u fithik’ e gapas ni bod rogon e pi’in yad mmat’aw.”

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

Hebrews 6:11

N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.

Joshua 7:3

miyad fulweg e thin ngak Joshua nra ga’argad: “Dariyfan ni nge yan gubin e girdi’ ko cham ngak yu Ai. Mu l’oeg nap’an l’agruw ara dalip biyu’ e salthaw. Dab mu pi’ e pi salthaw ni gubin ngranod ngaram ko cham; ya gathi bbinaw nib ga’.”