Proverbs 13:22 - Bible Ni Thothup

²² Girdi’ nib manigil e ra pi’ e gayog rok nga pa’ pifak e pi’in pifak, machane gayog rok e pi tadenen e ra yan ngak e pi’in nib mat’aw.

Proverbs 13:22 Σταυροειδείς Αναφορές

Eklesiastes 2:26

Got e pi’ e gonop, nge llowan’ nge felfelan’ ngak e pi’in yad ma rin’ e tin nib magan’ ngay, machane ma tay e pi tadenen ni ngar marwelgad, ngar thog naged ban’en miyad cha’riy, ma aram e n’en keyag ngorad e bay ni pi’ ko pi’in yad bfel’ u wan’ Got. Gubin nib m’ayfan. Bod ni yibe lol’oeg e nifeng.

Proverbs 28:8

Fa’anra fel’ rogom ko ris ni ga be yin’ ko salpiy rom ma kemang i tay ngom ni ga be gafgownag e girdi’, ma fla’ab rom e bayi fanay be’ nib gol ngak e pi’in gafgow.

Psalms 37:25

U gu moy ni ku gub pagel, ma chiney e ku gu pilibthir; ma dawor gguy be’ nib mat’aw nike n’ag SOMOL, ara gguy pifak ni yad be man ggan.

Psalms 112:2

Pifak be’ ni pumo’on ni bfel’ e yad ra gel u lan fare nam; mra fel’ wa’athan e pi’in owchen.

Ezra 9:12

Rogned ngomad ndariy e ngiyal’ ni nggu mabgolgad ngak e pi girdi’ nem ma dariy e ngiyal’ ni nggu aywegedrad nge fel’ rogorad ara rman’oggad ni fa’anra gamad ba’adag ni ngu’ug pired nib felfelan’mad u lan fare nam, me par nge mang gayog rok e pi’in owchemad ni dariy n’umngin nap’an.

Psalms 128:6

Mang e yugum par ngam guy pifak pifakam! Nge par e gapas u daken yu Israel!

Psalms 102:28

Pifakmad e bay ur pired ni dariy ban’en nra buch rorad, u tan pa’am ma pi’in owcharad e dabi buch ban’en rorad.

Proverbs 17:6

Pi tutuw nge titaw e yad ba uf ngak pi tonginrad, ni bod e pi’in bitir ni yad ba uf ko pi chitamangirad.