Proverbs 13:18 - Bible Ni Thothup

¹⁸ Be’ ni der ma mit ban’en ngak e ra gafgow me par nib m’ayfan, machane en nra fol ko fonow e yira tayfan.

Proverbs 13:18 Σταυροειδείς Αναφορές

Psalms 141:5

Be’ nib manigil e mang e ra gechig nigeg me puwan’ ngog u fithik’ e t’ufeg, machane gag e dariy liben me fel’ u wun’ug e tayfan rok e girdi’ ni kireb, ni bochan e gubin ngiyal’ ni gu ma meybil nib togopluw ko tin yad be rin’ nib kireb.

Proverbs 12:1

En nib t’uf e llowan’ rok e ba’adag ni nganog ngak e kireb rok. Ba aliliy e en ni dabun ni ngan yal’uweg.

Proverbs 13:13

Fa’an ga ra siyeg e fonow ni bfel’, ma aram e ga be gay e oloboch; mu fol riy ma dabi buch ban’en rom.

Proverbs 13:19

Uw feni fel’ ni nge yag ngom e tin ga ba’adag! Girdi’ ni pinat e daburad ni ngar pi’ed keru’rad ko kireb.

Proverbs 13:25

Pi’in nib mat’aw e ba gaman garad, machane pi’in kireb e gubin ngiyal’ ni yad be yim’ ko bilig.

Proverbs 15:5

Rib balyang ni ngam pi keru’um ko fonow nike tay e gallabthir rom ngom; rib manigil ni ngar yal’uwegem ma ga fol.

Proverbs 19:6

Gubin e girdi’ nma guy rogon ni ngar fel’gad u wan’ e pi’in tolang; ma gubin e girdi’ nma yog ni yad tafager e pi’in yad ma pi’ ban’en nib puf pa’rad ngay.

Proverbs 25:12

Ba fnow ni tay be’ ni manang e n’en ni be yog ngak be’ nib m’agan’ ni nge motoyil, e ka baga’ fan ko luwaw ni gol, ara nunuw nni ngongliy ko gol nib th’abi fel’.

Proverbs 9:9

Demturug e n’en ni ga ra yog ngak be’ nib gonop ma ra gel boch e gonop rok. Ma demturug e n’en ni ga ra yog ngak be’ nib mat’aw ma ra puthuy ko tin manang.

Eklesiastes 7:5

Kabfel’ ni ngi i puwan’ e pi’in nib gonop ngom ko bin ngi i tang nagem e girdi’ ni manan’ ni yad be yog e sorok ngom.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!