Proverbs 13:16 - Bible Ni Thothup

¹⁶ Girdi’ nib sul lanyan’ ngak e ma tafnay nge mu’ mfini ngongol, ma girdi’ ni pinat e yad ma dag farad balyang.

Proverbs 13:16 Σταυροειδείς Αναφορές

Psalms 112:5

Ba felfelan’ e en nib gol ko tin ma pi’ ni ku yira fulweg ngak, en nib yul’yul’ u rogon nma siyobay.

Proverbs 14:33

Gonop e bay u fithik’ gubin e leam rok be’ nib llowan’; pi’in balyang e dariy ban’en ni yad manang u murung’agen e gonop.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Proverbs 18:2

En nib balyang e dariyfan u wan’ ni ngari nangfan ban’en; kemus ni ba’adag ni nge m’ug ni ir e ba llowan’.

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Eklesiastes 10:13

Ma tabab ko welthin ni dariy gam’ingin me yan i museg ko thin ni damumuw ni yaba’.

Eklesiastes 10:3

Farad pinat e ba gagyel ni mus ngak e milekag ni yad ra mada’ u kanawo’ mra nang; yad ma pag gubin e girdi’ nge nang ni yad bbalyang.

Isaiah 52:13

Be ga’ar SOMOL, “Tapigpig rog e bayi yan i aw nga rogon e tin be muruwliy; bayi gilbuguwan mu’un tay fan.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Roma 16:19

Yigoo kan rung’ag fanmed yul’yul’ ko thin rok Got, ni era’ fan ni kug felfelan’ ngomed. Gub adag ni nge tamilangan’med u murung’agen e tin ni bfel’, machane ngam pired ndab mu uned ko kireb.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

Efesus 5:17

Ere dab mpired ni gimed e balyang, ya ngam guyed rogon ngam nanged e n’en nib m’agan’ Somol ngay ni ngam rin’ed.

1 Samuel 25:17

Wenig ngom, mu fal’eg i leamnag mag turguy e n’en ni ngan rin’. Ran’ey e rayag ni nge mang ba riya’ ko masta rodad nge gubin gathon e tabnaw rok. Ba gel e thinthinan’ rok ni dariy be’ nra motoyil ngak!”

1 Samuel 25:25

Wenig ngom, dab mu telim ngak Nabal, ya ir e dariy ban’en ni bfel’ ngay! I ir e ri de thilthil nge fan fithingan — ni balyang! Siro’, da ugmoy u rom ko ngiyal’ ni taw e pi tapigpig rom.