Proverbs 12:5 - Bible Ni Thothup

⁵ Girdi’ ni yul’yul’ e gimew ra puruy’ ni bfel’; ma be’ nib kireb e kemus ni ba’adag ni ngi i ban nigem.

Proverbs 12:5 Σταυροειδείς Αναφορές

Psalms 119:15

Gu be fil e pi fonow rom; ma gu be fal’eg i yaliy e machib rom.

Psalms 139:23

Got, mu guy lanin’ug ngam nang; mu sikeng nigeg ngam nang e leam rog.

Proverbs 11:23

N’en ni ba’adag e girdi’ ni bfel’ e gubin ngiyal’ ma fel’ e ra yib riy; ma nap’an nrayag ngak e pi’in kireb e n’en ni yad be finey, ma gubin e girdi’ nra damumuw.

Proverbs 12:4

Le’engin be’ nib manigil e ba churwa’ nib uf e en ni figirngin ngay; ma le’engin be’ nma tamra’nag figirngin e bod e m’ar ni kanser ko yil rok.

Proverbs 12:6

Thin ko girdi ni kireb e ma thang e pogofan, ma thin ko pi’in mat’aw e ma ayuweg e pi’in ke man e lang ngorad.

Proverbs 14:8

Mangfan ni be’ ni ba llowan’ e ba gonop? Bochan e manang e n’en ni ngan rin’. Mangfan ni be’ nib pinat e bbalyang? Bochan e ma leamnag ni manang.

Proverbs 24:9

Demturug ban’en nra t’ar be’ nib balyang liben mab denen. Ma fananikay e girdi’ be’ ni dariy ban’en nma rin’ ya go’ moning.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”

Jeremiah 9:5

Yad gubin ni yad ma dum’puman ko fager rorad, dariy be’ nma yog e tin rriyul’. Ka ra filed nga balothrad ni ngi i ban; ma dab ra pithiged pa’rad ko denen ni yad be ngongliy. Ra bagyad ma ke par ni go’ ma’ngach e be tay, ma aram rogon e ngongol nike ul ul reb e sasalap nga reb. I SOMOL e be yog ni girdi’ rok e ka ra pi’ed keru’rad ngak.

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Matthew 26:4

miyad puruy’nag rogon ni ngan kol Jesus ni dabi nang be’ ngan li’ ngem’.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

2 Korinth 4:2

Kad paged urngin e ngongol nib mith ni yima tamra’ ngay; darid ngongolgad u fithik’ e sabanban fa reb e gadad be pingeg fan e thin rok Got ngad ban niged e girdi’ ngay. Gadad be weliy e tin nib riyul’ nib tamilang, ma gadad be par u p’eowchen Got ma gadad be guy rogon ni nge guy e girdi’ e ngongol rodad miyad nang u lanin’rad ni aray rogon.