Proverbs 12:10 - Bible Ni Thothup

¹⁰ Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

Proverbs 12:10 Σταυροειδείς Αναφορές

Proverbs 12:9

Bmanigil ni ngam par ni gathi gur be’ ni bu uw rogom ni ga be maruwel ni fan ko par rom, ko bin ngu’um dake gur be’ nib ga’fam ma ga be yim’ ko bilig.

Isaiah 36:17

nge mada’ ko ngiyal’ ni nge fekmed e emperor nu Assyria nga reb e nam ni bod e biromed e nam, ni bay e woldug ni grape riy ni yima ngongliy nge yib e wayin riy, nge grain ni yima ngongliy e flowa riy.

John 4:11

Me ga’ar fare pin, “Dariy ba pakit rom ma re luwed ney e ba to’ar. Ere uw e ngam fek e ran riy nma pi’ e yafos?

1 Korinth 9:9

Gadad be be’eg u lan e Motochiyel rok Moses ni be ga’ar e Motochiyel, “Dab ni m’ag l’ugun e garbaw ko ngiyal’ ni be yot’yot’ wom’ngin e woldug ni yima ngongliy e flowa riy ni aram e be gunugunuy.” Gur i leamnag Got e garbaw?

Deuteronomy 25:4

“Dab mm’ag l’ugun ba garbaw ni ga be maruwel ngak be lufluf e grain.

1 John 3:17

Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?

Judges 1:7

Me ga’ar Adonibezek, “Medlipi ragag e pilung ni kan th’ab e yu bugul ni ga’ u pa’rad nge yu bugul ni ga’ u ayrad ni ur fanged chobngen e ggan u tan e tebel rog. Ere chiney e ke rin’ Got ngog e n’en ni gu rin’ ngorad.” Min fek Adonibezek nga Jerusalem ko gin ni yim’ riy.

1 Samuel 11:2

Me fulweg Nahash ni ga’ar, “Gu ra fal’eg e tha’ u thildad ni fa’an yira rin’ e ren’en ni ba’aray: Gu ra luf e ba’ ni mat’aw i lan mit gubin e girdi’, nggu darifannag urngin e girdi’ nu Israel.”