Proverbs 11:6 - Bible Ni Thothup

⁶ Mat’aw e ra ayuweg e pi’in yul’yul’ ni dabi buch ban’en rorad, ma pi’in dabyag ni nge pagan’uy ngorad e ke m’agrad e chogow rorad.

Proverbs 11:6 Σταυροειδείς Αναφορές

Genesis 30:33

Ya nge daken reb e kadbul mag ra pir’eg ni ug yul’yul’. Nap’an ni ga ra yib ni ngam guy puluwog, ma fa’anra bay reb e kaming rog nde myolyol ara wupwupnun’ fa reb e saf nde talmor, mag ra nang ni kan iring.

Genesis 31:37

Chine’ ni kammarod u fithik’ urngin e chugom rog, mang ban’en nib milfan ko tabnaw rom ni kam pat ngay? Mu tay aray ko gin ra guy e girdi’ rom nge girdi’ rog riy, nge mang yad e ra turguyed ko mini’ rodow e bfel’ e rok.

1 Kings 2:44

Ri kag manang urngin e kireb nim rin’ ngak e chitamag i David. Bayi gechig nigem SOMOL ni bochan e pin’em.

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Proverbs 11:9

Rayag ni nge kireb nigem e thin rok e girdi’ ni denang Got, machane gonop ko pi’in mat’aw e rayag ni aywegem.

Proverbs 5:22

Pi denen ko pi’in kireb e ba wup. Yad ma aw ngalan e nug ko kireb rorad.

Eklesiastes 10:8

Fa’an ga ra ker e low, ma ga ra mul nga langgin; ma fa’an ga ra bilig e rungrung nga barba’, mra k’adem e porchoyog.

Judges 20:41

Ma aram me cheal fapi salthaw nu israel u but’, ma piyu Benjamin e ke li’rad e marus ni bochan e kar nanged ni aram e ngan thirifrad u but’.