Proverbs 11:20 - Bible Ni Thothup

²⁰ I SOMOL e ma fananikay e pi’in kireb lanin’rad, ma bt’uf rok e pi’in yad ma ngongol ni bfel’.

Proverbs 11:20 Σταυροειδείς Αναφορές

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

Psalms 101:4

Dab gu sasalap ma dab gu’un ko tin kireb.

Psalms 11:7

SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.

Psalms 119:1

Nge felan’ e pi’in yad ma par ndariy thibngirad, ni pi’in yad ma fol ko motochiyel rok SOMOL.

Psalms 140:13

Pi’in bmat’aw e rriyul’ ni bay ra pininged e sorok ngom; bay ur pired u p’eowchem.

Psalms 51:6

Tafinay nib yul’yul’ e ir e ga ba’adag; mu suguy lanin’ug ko gonop rom.

Proverbs 11:21

Ngari mich u wun’um ni girdi’ ni kireb e yira gechignag, ma pi’in mat’aw e yad ra thay riy.

Proverbs 12:22

I SOMOL e ba fananikay e sasalap l’ugun, machane ma felan’ ngak e pi’in yad ma tay e thin rorad u gil’.

Proverbs 13:6

Ngongol nib mat’aw e yoror rok e pi’in yad ba yal’uw; ma pangin nib kireb e aram e mul nma tay e pi’in tadenen.

Proverbs 14:9

Girdi’ nib balyang e dariyfan u wan’rad ni yad ra denen, ma girdi’ ni manigil e ba’ndag ni ngan n’agfan e kireb rok.

Proverbs 15:26

I SOMOL e ba fananikay e leam ni kireb, machane bm’aguwan’ e thin ni gol.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Proverbs 16:17

Pi’in yad bmanigil e yad ma yan u kanawo’ nib gilaf ko kireb; ere mu fal’eg i yaliy e gin ga be sor ngay — rayag ni nge ayweg e yafos rom.

Proverbs 21:29

Girdi’ nib mat’aw e yad manang ko mang e yad be rin’; ma pi’in kireb e yad be dake yad manang.

Proverbs 3:32

ya SOMOL e ba fananikan e girdi’ nma rin’ e kireb, machane ma fek e girdi’ nib mat’aw ngar manged tafger rok.

Proverbs 6:14

ma aram n’umngin nap’an ni yad be tanomnag e kireb u lanin’rad nib pig nga bang, miyad be k’ar oloboch u gubin yang.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Proverbs 9:7

Fa’an ga ra yal’uweg be’ nib ufanthin’, ma kemus ni gur e ra kireban’um ngom. Fa’an ga ra puwan’ ngak be’ nib kireb e leam rok, me gur e ga ra maad’ad.