Proverbs 11:11 - Bible Ni Thothup

¹¹ Ra mon’og reb e binaw u nap’an nra athapeg e girdi’ ni yal’uw ni nge fel’, mra kireb reb e binaw ni bochan e thin rok e pi’in kireb e leam rorad.

Proverbs 11:11 Σταυροειδείς Αναφορές

Genesis 45:8

Ere gathi gimed e mpi’ed gag nggub ngaray, ya Got. Ke teg ni gu bod be’ ni chitamngin Farao; i gag e ke mil fan e nam rok ngog ni ga’ngin, mi gag e gu be gagiyegnag yu Egypt ni ga’ngin.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

BABYOR NI JOB 22:30

Ra aywegem ni fa’anra bfel’ e rom, ma ga be rin’ e tin ni bfel.

Proverbs 11:10

Ra felan’ bbinaw ko ngiyal’ nra fel’wa’athan e girdi’ ni yul’yul’, mra yim’ e girdi’ ni kireb mi yira tolul ngalang ko felfelan’.

Proverbs 11:12

Rib balyang ni ngan weliy thibngin boch e girdi’. Fa’anra ba tamilang lanin’um, ma ga ra th’ab gulngam.

Proverbs 14:34

Mmat’aw e ra gilnag bugwan reb e nam, ma denen e ma kirebnag thin reb e nam.

Proverbs 28:2

Nap’an nra denen ba nam, me yo’or e pilung ni thilthil riy. Machane ba nam e ra gel nge par ni bfel rogon ni fa’anra bay e llowan’ riy, ma pi tayugang’ riy e ba sul lanyan’rad ngorad.

Proverbs 29:8

Girdi’ nder leamnag boch e girdi’ e rayag ni nge yin’ ga’ngin bbinaw nga fithik’ e wagagey ni dakriy yarmen. Ma pi’in gonop e yad ma awnag e gapas u ban’en.

Eklesiastes 9:15

Ma bay be’ nib mo’on nma par u lan fare binaw ni rib gafgow, machane ir be’ nib llowan’ nrayag ni ayuweg fare binaw. Machane dariy be’ ni leamnag e re mo’on nem.

James 3:6

Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.