Proverbs 10:20 - Bible Ni Thothup

²⁰ Thin u l’ugun e en nib mat’aw e bod e silber nib machalbog; ma pin’en nma tafinaynag be’ nib kireb e dariy gam’ingin.

Proverbs 10:20 Σταυροειδείς Αναφορές

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

Psalms 37:30

Thin rok be’ ni bfel’ e bay e gonop riy, ma tin ma weliy e bmat’aw.

Proverbs 12:18

Marog thin e rayag ni nge maad’ad nga laniyan’ be’ nib to’ar ni bod bangi saydon, machane thin nnog nib gonop e rayag ni gol nigey.

Proverbs 15:4

Thin ni gol e ma ayuweg e yafos, machane morug thin e ma kirebnag lanin’uy.

Proverbs 16:13

Pilung e ba’adag ni nge rung’ag e tin riyul’ mma fol ngak e pi’in yad e rogned.

Proverbs 20:15

Fa’anra gamnang e n’en ni ga be weliy murung’agen, ma bay ba tow’ath rom ni kabfel’ ko gol ara machaf.

Proverbs 23:7

Be ga’ar, “Mmoy ngki yag boch ngom,” machane gathi aram rogon ni be leamnag. N’en ni be leamnag e ire bin riyul’ i ir.

Proverbs 8:19

Tin nggu pi’ ngom e kabfel’ ko tin th’abi fel’ e gol, ma kabfel’ ko silber.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.