Proverbs 10:1 - Bible Ni Thothup

¹ Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Proverbs 10:1 Σταυροειδείς Αναφορές

1 Kings 4:32

Me kameg dalip e bbiyu’ yu bugithin nib machib ma bay e gonop u fithik’ ma bpag e bbuyu’ e tang niki tunguy.

Proverbs 1:1

Thin nib gonop ni taban e thin rok Solomon ni fak David ma pilung nu Israel.

Proverbs 13:1

Bitir nib gonop e ma motoyil ko fanow ko gallabthir, ma be’ nib tolngan’ e dabun ni nge dag ni ir e ba oloboch.

Proverbs 15:20

Bitir nib gonop e ra felfelan’nag e chitamngin. Kemus ni en nib balyang e ma fanenikay e chitiningin.

Proverbs 17:21

Go’ kirban’ nge gafgowan’ e ra i tay e gallabthir rok e bitir nib balyang ngongolen.

Proverbs 17:25

Bitir nib balyang e ma gafgownag lanyan’ e chitamngin mma ngochngochan’nag lanyan’ e en ni diyennag.

Proverbs 19:13

Bitir ni balyang e ra girengiy e gafgow nga daken e gallabthir rok. Ma le’engin be’ nib ta pupuwan’ e bod ran ni be map’map’.

Proverbs 25:1

Ku ba’aray boch e thin rok Solomon ni bay e gonop riy, ni yoloy boch e tolang u tafen e puf oloboch rok Hezekiah ni Pilung nu Judah.

Proverbs 27:11

Fakag, mu gonop, ma gu ra felfelan’; ya bay e fulweg ni gu ra yog ko en be gathibthib nageg.

Proverbs 29:15

Fanow nge dumow e bfel’ ko bitir. Ma fa’anra fare tir e tin ba’adag e be rin’, mra tamra’nag e chitiningin.

Proverbs 29:17

Mu llowan’nag fakam mrayag ni mu par ni gubin ngiyal’ ni ga ba uf ngak. Ma dabi rin’ ban’en ni nge k’aring e tamra’ ngom.

Proverbs 29:3

Fa’anra t’uf e gonop rom, mra felfelan’ e chitmam ngom. Ma rib balyang ni ngam adbay e salpiy ko pi’in yad ma falchuway’ ngorad.

Eklesiastes 12:9

Machane bochan e Filosofer e ba gonop, made tal i machibnag e girdi’ ko n’en ni manang. I fil e yubug i thin ni bay e gonop riy mri tayan’ i sikengnag rogon feni rriyul’ e yubugithin nem.

Eklesiastes 2:19

rayag ni be’ nib gonop fa bbalyang, mini e manang? Me milfan gubin e tin ni ku gu maruwliy ngak, nge urngin ni yagnag e gonop rog ngog ko re fayleng ney. Gubin nib m’ayfan.