Proverbs 1:8 - Bible Ni Thothup

⁸ Fakag, mu telim ko tin be machibnag e chitamam ngom, ma ga uthum e lim ko tin be yog e chitinam.

Proverbs 1:8 Σταυροειδείς Αναφορές

Proverbs 1:10

Fakag, ra yib e girdi’ ni tadenen ra meliyed gur nga ban’en nib kireb, ma dab mupagem ngorad.

Proverbs 1:15

Fakag, dab mu’un ko girdi’ ni aram rogon. Mu tem u urel rorad.

Proverbs 2:1

Fakag, mu fil e n’en ni gube machibnag ngom ma dabmu pag talin e n’en ni gube yog ngom ni ngam rin’.

Proverbs 23:22

Mu telim ngak e chitamam, ya fa’an mang e de moy ma dariy owchem. Ra pilibthir e chitinam, ma ngam dag ko ngongol rom ni ga be pining e magaer ngak.

Proverbs 3:1

Fakag, dab mu pag talin e machib rog ngom. Gubin ngiyal’ ni ngi i par u wun’um e n’en kugog ngom ni ngam rin’.

Proverbs 30:17

En nma moningnag e chitmangin ara fanenikay e chitiningin nike pilibthir, e kabfel’ nra luf e arche’ ni raven lanmit me languy e arche’ ni vulture downgin.

Proverbs 31:1

Irera’ e pi thin ni yog e chitiningin Lemuel ni Pilung ngak:

Proverbs 5:13

Da’ug motoyil ko pi sensey rog. Ma da’ug tiya n’ug ko tin u rogned.

Proverbs 6:20

Fakag, mu rin’ e n’en ni be yog e chitamam ngom, ma dariy bi’id ni ngam pagtalin e n’en nike fil e chitinam ngom.

Proverbs 7:1

Fakag, mu tay ngan’um e tin kugog, ma dab mu pag talin e tin kugog ngom ni ngam rin’.

Jeremiah 35:8

Gu folgad u gubin fapi gafal ni pi’ Jonadab ngomad. Gamad e dagur unumed e wayin, ma ku arrogon pi le’engimad, nge pifakmad ni pumo’on nge ppin.

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

2 Timothy 1:5

Ma dagur pag talin rogon nrib mich Got u wun’um, ni ta’reb rogon ngarogon nib mich Got u wan’ e titaw rom i Lois nge chitinam i Eunice. Rib muduwgil u wun’ug ni ku bay rom.

Ruth 3:6

Ma aram me yan Ruth ko gin yibe gunugunuy e barley riy, me rin’ urngin e ti keyog e chitiningin figirngin ngak.

1 Samuel 2:25

Fa’anra ngongliy be’ e kireb ngak be’, mi Got e rayag rok ni nge fal’eg thilrow, machane mini’ e rayag rok ni nge fal’eg thilin Got nge be’ nike ngongliy e kireb nib togopluw ngak SOMOL?” Machane dar motoyilgow ko tin be yog e chitamangirow, ya ke turguy SOMOL ni nge thang e pogofan rorow.