Proverbs 1:32 - Bible Ni Thothup

³² Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Proverbs 1:32 Σταυροειδείς Αναφορές

Psalms 69:22

Pi mur ni yad be tay e mang e yigi kireb nagrad; pi madnom ni yad be tay e mang e yigi mang ba wup ngorad!

Proverbs 1:22

“Gimed e girdi’ ni balyang! Uw n’umngin nap’an ni gimed ba’adag ni ngam pired ni ara’ rogomed? Uw n’umngin nap’an ni ngam pired ni gimed be moningnag e gonop nge llowan’? Mingiyal’ e finra mit ban’en ngomed?

Proverbs 10:21

Thin u l’ugun e en nib mat’aw e ra yib fal’ngin ngak e girdi’ nib yo’or, machane gur e rayag ni mu li’em nga mum’ ko aliliy rom.

Proverbs 14:16

Girdi’ nib sul lanyan’ ngak e yad ma guy rogon ni ngar pired u orel ko oloboch, ma girdi’ nib manan’ e yad ba wagagey ni yad ma ngongliy ban’en u fithik’ e gur gur.

Proverbs 2:18

Fa’an ga ra yan ko naun rok e re bpin nem, ma aram e ga be milekag u kanawo’en e yam’. Yira yan ngaram ma ga machda’nag e fayleng ko yam’.

Proverbs 5:22

Pi denen ko pi’in kireb e ba wup. Yad ma aw ngalan e nug ko kireb rorad.

Proverbs 8:36

Ma en ndabi piri’egeg e ra i gafgownag ir; ma en ni be fanenikayeg e ba’adag e yam’.”

Proverbs 8:5

Mogned, kigimed be par ni leam ko bitir e bay romed? Mu filed rogon ni ngam leamgad ni bod e pi’lal. Mogned, kigimed bbalyang? Mu filed rogon ni ngam gonopgad.

Proverbs 9:18

K’on fare pin nib pinat e darir nanged ni girdi’ ni yad mayan ko naun rok e yad ma yim’, ni pi’in ka ra thapgad ngaram e yad bay e chiney u ar u lan e fayleng ko yam’.

Isaiah 66:4

Ere bay gu fek i yib e riya’ nga dakenrad ni pin’en nri yad ma rus ngay, ni bochan e dariy be’ ni fulweg lungug ko ngiyal’ ni kug pong ara motoyil ngog ko ngiyal’ ni gu be non. Kar turguyed ni nge dab ra folgad rog ngar rin’ed e kireb.”

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Amos 6:1

Kar mu gafgow gad e pi’in ni gimed be par u Zion nib mom urngin ban’en ngomed ndariy ban’en ni be magafan’med ngay, nge gimed e pi’in ni kam pired u Samaria ni gimed be finey ndariy ban’en nra buch romed, ni gimed e pi tagagiyeg ni gilbugwan ko fare nam nu Israel nib ga’, gimed e pi’in ma yib e girdi’ ngomed ni ngam ayuweged!

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

Deuteronomy 28:17

“Ra bucheg SOMOL wa’athan e woldug romed ni grain nge ggan ni gimed ra ngongliy riy.

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

Hebrews 12:8

Fa’anra dabi gechig nagmed ni bod rogon nma rin’ ngak urngin e tin ni pifak, me ere gathi gimed pifak, ya gimed pifak e moro’ro’.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.