Proverbs 1:10 - Bible Ni Thothup

¹⁰ Fakag, ra yib e girdi’ ni tadenen ra meliyed gur nga ban’en nib kireb, ma dab mupagem ngorad.

Proverbs 1:10 Σταυροειδείς Αναφορές

Genesis 37:20

Ngad li’ed ma gadad yin’ ngalan reb fapi low; ya rayag ni nga dogned ni ba gamanman ni malboch e ke li’. Ma aram ma gadad guy ko mang e bay yib ko pi lik’ay rok.”

Psalms 1:1

Ba felan’ e cha’ nma siyeg ni nge fol ko fonow rok e girdi’ nib kireb, ma der folwok ko pi’in ni tadenen, ara un ngak e pi’in dariy fan Got u wan’rad.

Psalms 50:18

Gubin e pi moro’ro’ ni gimed ra guy me mang fager romed, ma gimed ma m’agmed ngak e pi’in dar yul’yul’gad ko mabgol rorad.

Proverbs 13:20

Mu pachegem ngak e pi’in yad ba gonop me yag e gonop ngom. Fa’an ga ra m’agem ngak e girdi’ ni pinat, ma gur e ga ra gafgow.

Proverbs 16:29

Girdi’ ni tamacham e yad ma sabanbannag e pi tafger rorad ngar soregned yad ko oloboch.

Proverbs 20:19

Dugdug thin e dabyag ni nge tay ban’en nib mith. Mu tem u orel rok e girdi’ nib mak’ welthin langan.

Proverbs 24:2

K’ar oloboch e kemus e tin yad ma leamnag; gubin ngiyal’ ni yad ra pithig langrad me nge gafgow be’.

Isaiah 33:15

Rayag ni nge dab mum’ ni fa’anra u mog ma ga be rin’ e n’en ni bfel’. Dab mmaruwelgad nga gelngimed ni ngam ban niged e pi’in gafgow, ma dab mu feked puluwon e sasaliyeb. Dab mu chaeggad ngak e pi’in kar puruy’ niged rogon ni ngar thanged e pogofan ara ngar ngongliyed boch ban’en nib kireb.

Roma 16:18

Ya pi’in yad ma rin’ e pin’em e darir pigpiggad ngak Kristus ni ir e Somol rodad, ya tin ni yad be ar’arnag e yad be pigpig ngay. Yad ma bannag e girdi’ nib manigil nga wom’ngin i l’ugunrad ni bfel’ nge thin rorad nma pi’ey ngalang.

Efesus 5:11

Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. (

Deuteronomy 13:8

Dab m’inggad ngorad fa motoyilgad ngorad, fa mu rungyed ya’arad, fa mu yororgad rorad.