Proverbs 1:1 - Bible Ni Thothup

¹ Thin nib gonop ni taban e thin rok Solomon ni fak David ma pilung nu Israel.

Proverbs 1:1 Σταυροειδείς Αναφορές

1 Kings 2:12

Me yan Solomon nga luwan David ni chitamngin nge pilung; me par gelngin nib mudugil nrogon e pilung.

1 Kings 5:12

I SOMOL e tay u gil’ e n’en ni micheg nge pi’ e gonop ngak Solomon. Mi i par ni bfel’ thilin Hiram nge Solomon, miyow ngongliy e tha’ u thilrow.

1 Kronicles 22:9

Machane ma aram me micheg e re bugithin ni ba’aray ngog. I ga’ar ngog, ‘Bay mu fakay ba pumo’on ni bayi gagiyeg u fithik’ e gapas, ya bay gu pi’ e gapas nga thilrad gubin e to’ogor rok. I Solomon fithingan, ya n’umngin nap’an ni ir e be gagiyeg e bay gu pi’ e gapas nga Israel mu gu yororiy pa’ag ngorad.

1 Kronicles 28:5

Ke pi’ e pagel gu fakay nib yo’or, mu fithik’rad ni yad gubin e ke mel’eg Solomon ni nge gagiyegnag ga’ngin yu Israel, ni fare nam rok SOMOL.

1 Kronicles 29:23

Ma aram me thilyeg Solomon David ni chitamngin u daken fare chiya ko pilung nike tay SOMOL. Ir reb e pilung ni bfel’ rogon gubin ban’en rok, ma fare nam nu Israel ni ga’ngin e i fol rok.

1 Kronicles 29:28

Me yim’ ni kari pilbithir nike yo’or i yo’or talin ni ir be’ ni yima tayfan, me Solomon nib mo’on ni fak e yib nga luwan ko pilung.

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Proverbs 22:21

mra fil ngom ko mang e rib riyul’. Ma nap’an e yira l’oegem ni ngam gay ko mang, ma bay mu fek e fulweg riy i yib nib mat’aw.

Proverbs 25:1

Ku ba’aray boch e thin rok Solomon ni bay e gonop riy, ni yoloy boch e tolang u tafen e puf oloboch rok Hezekiah ni Pilung nu Judah.

Eklesiastes 1:1

Irera’ e thin rok ba Filosofer, ni be’ nib pagel ni fak David, ni i pilung u Jerusalem.

Eklesiastes 12:9

Machane bochan e Filosofer e ba gonop, made tal i machibnag e girdi’ ko n’en ni manang. I fil e yubug i thin ni bay e gonop riy mri tayan’ i sikengnag rogon feni rriyul’ e yubugithin nem.

John 16:25

“Kugog ngomed e pin’ey u fithik’ e fanathin. Machane bayi taw nga ba ngiyal’ ni gathi bay kug welthin ngomed u fithik’ e fanathin, machane bay gu weliy murung’agen e en ni Chitamangiy ngomed nib tamilang.