Nehemiah 9:9 - Bible Ni Thothup

⁹ “Gur e um guy rogon e gafgow ni i tay pi chitamangimad ni kakrom u Egypt; mu rung’ag e man ayuw nra ninged ngom ko fa gi Day ni Red Sea fithingan.

Nehemiah 9:9 Σταυροειδείς Αναφορές

Exodus 14:31

Ra guyed gelngin SOMOL nib gel ni ir e maruwel ngay nib togopluw ngak piyu Egypt, me yib madgun SOMOL u wan’ piyu Israel; mu ur pired nike pagan’rad ngak SOMOL nge tapigpig rok ni aram Moses.

Exodus 2:25

Me guy rogon ni yibe sibnag yu Israel me magfan’ ngorad.

Exodus 3:16

Mman ngam ulunguy e pi’in yad be yog e thin rok piyu Israel ngamog ngorad ni Gag, fare SOMOL, ni Got rok e pi chitamangirad, ma Got rok Abraham, Isak, nge Jakob, e kug m’ug ngom. Mog ngorad ni kug guy e n’en ni be rin’ piyu Egypt ngorad.

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Acts 7:34

Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’

Acts 7:7

Machane bay gu gechignag girdi’en e re nam ni ba’aram ni bay ur pigpiggad ngorad, ma tomuren e bay ra chuwgad ko re nam nem ma aram e bay ur pigpiggad ma yad be meybil ngog u roy.’