Nehemiah 9:2 - Bible Ni Thothup

² Miyad chuw u fithik’ girdi’en yugu boch e nam ngar pired nga bang ni go’ yad. Miyad sak’iy ngar puwofay niged e denen rorad nge denen rok e pi chitamangirad ni kakrom.

Nehemiah 9:2 Σταυροειδείς Αναφορές

1 Kings 8:47

ma ngam motoyil ko meybil rok e girdi’ rom. Ma fa’anra yad ra kalngan’rad u lan e re nam nem ngar pi’ed keru’rad ko kireb ngar meybilgad ngom nga rogned ngom gelngin e kireb ni ur ngongliyed, me gur SOMOL e ngam rung’ag e meybil rorad.

Ezra 10:11

Ere chiney e ngam weliyed e kireb romed ngak SOMOL, ni fare Got rok e pi ga’ romed, mi gimed rin’ e tin ni bfel’ u wan’. Mu pithged gimed rok e girdi’ nu boch e nam ni yad be par u lan e nam rodad mi gimed n’ag pi le’engimed ni girdi’ nu bang.”

Ezra 6:21

Girdi’ ni kay e ggan ko re madnom nem ni Paluk’af e urngin e girdi’ nu Israel ni ur kalbusgad u Babylon ni kar sulod, nge urngin e pi’in ni kar paged e bin ba’aram e ngongol ni yad ma meybil ko liyos nge yugu boch e got, ni bod ni be rin’ girdi’en yugu boch e nam ni be par u lan e nam nu Israel, ma kar tababgad i liyor ngak SOMOL ni Got rok yu Israel ma yad be meybil ngak.

Ezra 9:1

Nga tomuren ni go’ kan rin’ urngin e pin’ey, me yib boch fapi tayugang’ rok e girdi’ nu Israel rogned ngog ni girdi’, nge prist, nge pi Levite e de yag nra ki’egged yad nga orel rok e girdi’ ko pi nam ni yad ba chuchugur ngorad ni aram yu Ammon, Moab, ngu Egypt ara rok e pi Kanaanite, Hittite, Perizzite, Jebusite, nge pi Amorite. Yad be rin’ e pin’en nib sonogor nma rin’ e pi girdi’ ney.

Ezra 9:15

SOMOL ni Got nu Israel, ri gab mat’aw, machane ka mu pag bochi gamad ke par nib fos. Gamad be weliy e kireb romad ngom; dariy mat’awmad ni nggu bad nga p’eowchem.”

Ezra 9:2

Pi pumo’on ni Jew e yad be le’engiy e ppin nu boch e nam, ere girdi’ rok Got nib thothup e kar alit niged yad. Pi tayugang’ nge pi tolang e yad e tapi kenggin e re denen ney.

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Nehemiah 10:28

Gadad e girdi’ nu Israel, ni prist, Levite, tamatnag u Tempel, girdi’en e musik u Tempel, girdi’en e maruwel u Tempel, nge gubin e girdi’ nma fol ko Motochiyel rok Got e ngad ki’egeg gadad rok e girdi’ nu bang ni yad ma par u daken e but’ rodad, gadad nge le’engdad nge gubin pifakdad ni ka ra ilalgad ni karnanged fan ban’en,

Nehemiah 10:29

aram e gamad be dachug ngak e pi tayugang’ romad kug micheged u fithingan Got, ma ra buch waathmad ni fa’an gamad ra thilyeg e tin ke ta’reb lungumad ngay, ya ngug pired nrogon ni bay ko Motochiyel rok Got ni pi’ u daken Moses ni tapigpig rok; ma gamad ra fol u urngin e tin keyog SOMOL ni Somol romad ngomad ni nggu rin’ed; ma gamad ra fol u urngin e pi motochiyel rok nge tin keyog nthingar gu rin’ed.

Nehemiah 13:3

Nap’an ni rung’ag e girdi’ nu Israel e re motochiyel ney ni kan be’eg, mar chuweged gubin e girdi’ nu boch e nam u lan taferad.

Nehemiah 13:30

Ma aram mug guy rogon nggu taleg fapi girdi’ u yalen yu bang ni kar u’ned ngay, mu gu duwgiliy e pi maruwel ko prist nge Levite;

Psalms 144:11

Mu ayuwegneg u pa’ e pi to’ogor nma’ngach; mu lageg u pa’ e girdi’ nu boch e nam, ndariy bingyal’ ni yad ma yog e tin riyul’, ma yad ma micheg bogi ban’en ni go’ ban.

Psalms 144:7

Mu ganam u tharmiy nga but’, ngam girngiyeg nggu chuw u fithik e ran nib to’ar, ni dabi buch ban’en rog; mu ayuwegneg u gelngin e pi girdi’ nu boch e nam,

Proverbs 28:13

Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.

Isaiah 2:6

Got, ka mu n’ag e girdi’ rom, ni pi’in owchen Jakob! Fare binaw e ke suguy ngonglen e pi bey ko pi nam nu lan e ngek nge pong thagith ni bod yu Filistia. Girdi’ e yad be folwok u yalan boch e nam.

Jeremiah 14:20

SOMOL, riyul’ ni ku gu ngongliyed e kireb; ma ku er rogon pi chitamangimad ni ur ngongliyed e kireb, ku gu ngongliyed e kireb nib togopluw ngom.

Jeremiah 3:13

Kemus ni ngamog ni rriyul’ ni gur e ba kireb e rom ma rriyul’ ni ku’um togopluw ngak SOMOL ni Got rom. Mog nga tamilang ni tanggin urngin e gik’iy nib galunglung ma um t’ufeg yug boch e got nu bang riy ni da kum fol ko tin gog. I Gag SOMOL e gu be non.

Daniel 9:20

Gu par ni gu be meybil ma gu be puwofay nag e denen rog nge denen rok e girdi’ ko nam rog nu Israel ngak SOMOL ni Got rog ni nge fulweg e Tempel rok nib thothup nga rogon.

Hosea 5:7

Da ur yul’yul’gad ngak SOMOL; ere pifakrad e daki mil farad ngak. Ere dabki n’uw nap’an min thirifrad u but’ min gathay e pi nam rorad.