Nehemiah 8:8 - Bible Ni Thothup

⁸ Miyad afweg e Motochiyel rok Got ko bin ba’aram e thin ni manang e girdi’ fan.

Nehemiah 8:8 Σταυροειδείς Αναφορές

2 Kings 23:2

miyad yan nga Tempel, nike un e pi prist ngorad nge pi profet, nge urngin e girdi’ nu Jerusalem, ni pi’in ni pire’ ban’en rorad nge pi’in nib gafgow. Me be’eg e en ni pilung u p’eowcherad fare ke babyor nni pir’eg u Tempel ngar rung’aged ni Babyoren fare M’ag ni ngongliy Got u thilrad.

Ezra 4:18

“Fa gi babyor nim pi’ed e kan piliyeg kan be’eg ngog.

Nehemiah 8:12

Me sul urngin e girdi’ nga tabinaw rorad ngar abichgad miyad garbod u fithik’ e felfelan’ miyad pi’ boch e ggan rorad i kay boch e girdi’, ya kar nanged fan fapi thin ni ka ni be’eg ngorad.

Nehemiah 8:7

Me sak’iy e girdi’ ma pi Levite ni ba’aray e ra weliyed fan e motochiyel ngak e girdi’, ni aram Jeshua, Bani, Sherebiah, Jamin, Akkub, Shabbethai, Hodiah, Maaseyah, Kelita, Azariah, Jozabad, Hanan, nge Peliah.

Nehemiah 8:9

Fa’ani rung’ag e girdi’ e tin be yog e Motochiyel ni dabisiy ni ngan rin’, miyad tabab ko meyor. Mi Nehemiah, ni ir e governor, nge Ezra, ni fare prist ni ir e ba tamilangan’ ko Motochiyel nge pi Levite ni yad e ur weliyed fan fapi Motochiyel ngak e girdi’ e lungurad, “Bin daba’ e rran e ba thothup ni fan ngak SOMOL ni Got romed. Ere dabi kireban’med ma dab mu yorgad.

Nehemiah 9:3

Mi ni be’eg ngorad e Motochiyel rok SOMOL ni Got rorad ni gonap’an dalip e awa, ma kogonap’an dalip e awa e ra puwofay niged e denen rorad ma yad be tay fan SOMOL ni Got rorad.

Ezekiel 46:10

Fare pagel ni fak e pilung e nge yib nga langan e garog ko ngiyal’ ni be yib e girdi’, me chuw ko ngiyal ni yad be sul.

Habakkuk 2:2

Ba’aray e fulweg ni pi’ SOMOL ngog, “Mu yoloy nga but’ e pin’en ni kug dag ngom, ya nge mom nni be’eg.

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

Luke 24:32

Me lungurow, “Gathi da thamiyew rodow ni bod ba nifiy ni be yik’ u ngorongordow ni fa’ani i welthin ngodow u daken e kanawo’ me weliy fan fapi thin nu babyor nib thothup ngodow?”

Luke 24:45

Ma aram me tamilangnag an’rad ngar nanged fan e pin’em ni bay u lan e babyor nib thothup,

Acts 28:23

Ma aram miyad yog Paul reb e yar, me yib bo’or i yad ko chirofen nem ko gin ni be par Paul riy. Kadbul nge yan i mada’ ko neap’ ni machibnag ngorad murung’agen e gagiyeg rok Got ma be pithig fan u wun’rad. Me guy rogon ni nge mich murung’agen Jesus u wun’rad ni be yog ngorad e tin nike yog e babyor nib thothup ni murung’agen ko gin ni ba’aram ni bay e Motochiyel rok Moses riy nge tin ni yoloy e pi profet.