Nehemiah 8:7 - Bible Ni Thothup

⁷ Me sak’iy e girdi’ ma pi Levite ni ba’aray e ra weliyed fan e motochiyel ngak e girdi’, ni aram Jeshua, Bani, Sherebiah, Jamin, Akkub, Shabbethai, Hodiah, Maaseyah, Kelita, Azariah, Jozabad, Hanan, nge Peliah.

Nehemiah 8:7 Σταυροειδείς Αναφορές

1 Kings 8:14

Me par urngin e girdi’ ni yad ba sak’iy, me cheal Solomon me sap ngorad, me meybil ngak Got ni nge fal’eg wa’athrad.

2 Kronicles 30:22

Me pining Hezekiah e sorok ngak epi Levite nga ferad salap i gagiyegnag rogon fare liyor ngak SOMOL. Nap’an ni m’ay fa medlip i rran ni ur pi’ed e maligach riy ni yibe pining e sorok ngak SOMOL ni Got rok e pi chitamngirad,

2 Kronicles 35:3

Miki pi’ e pi fanow ni ba’aray ngak yu Levi, nge pi tamamchib nu Israel, ni ka ni yibleyrad ngak SOMOL: “Mu ted fare Kahol ko M’ag nib thothup ngalan fare Tempel ni toy Solomon ni Pilung nib mo’on ni fak David. Ya dab kum feked u bang ngabang, ya ngu’um pigpiggad ngak SOMOL ni Got romed nge ngak e tirok e girdi’ ni piyu Israel.

Ezra 8:18

Mu daken e runguy rok Got e ra pi’ed i Sherebiah ngomad, nib mo’on nib salap ko maruwel, ni reb e Levite ni be’ ko fare ke girdi’ rok Mahli; ma ragag nge meruk e pumo’on nra uned ngak ni pifak nge puwalagen.

Nehemiah 10:18

Hodiah, Hashum, Bezai,

Nehemiah 10:2

Serayah, Azariah, Jeremiah,

Nehemiah 11:16

I Shabbethai nge Jozabad e yow l’agruw Levite nib ga’ farow mab milfan e maruwel u wuru’ fare Tempel ngorow.

Nehemiah 11:19

Pi matnag u Tempel: Akkub, nge Talmon, nge girdi’ rorow ni yad 172 u gubin.

Nehemiah 12:33

Me lay e prist ni yad be thoy e rappa’, me lay e pi’in ni migid: Azariah, Ezra, Meshullam, Judah, Benjamin, Shemayah, nge Jeremiah. Me migid me yib Zekariah, nib mo’on ni fak Jonathan nib mo’on ni fak Shemayah. (Ni pi ga’ rok e kub mu’un Mattaniah ngay, Mikayah, nge Zaccur ko fare ke girdi rok Asaf.)

Nehemiah 3:17

Pi Levite nra uned i ubung fare Yoror: Rehum nib mo’on ni fak Bani e ubung e gin migid; Hashabiah ni ir e ma gagiyegnag baley ko binaw nu Keilah, e ir e ubung e gin migid ni pa’ e birok e binaw;

Nehemiah 3:19

Ezer nib mo’on ni fak Jeshua, ni ir e ma gagiyeg u Mizpah e ubung e gin migid ni bay u mit e gin nma ngongliy talin e cham riy nge yan i mada’ ko fa gin ni chiygog fare yoror riy;

Nehemiah 3:23

Benjamin nge Hasshub e ra ubungyew e gin migid, ni bay u mit e gal naun rorow; Azariah nib mo’on ni fak Maaseyah nib mo’on ni fak Ananiah, e ubung e gin migid, ni bay u mit e naun rok;

Nehemiah 8:12

Me sul urngin e girdi’ nga tabinaw rorad ngar abichgad miyad garbod u fithik’ e felfelan’ miyad pi’ boch e ggan rorad i kay boch e girdi’, ya kar nanged fan fapi thin ni ka ni be’eg ngorad.

Nehemiah 8:4

I be’eg Ezra nib sak’iy u daken bangi ban’en ni ka ni ubung ngalang ni fan ko re mu’ulung nem, ni ren e ni fal’eg ngay. Ma ba sak’iy e pi pumo’on ni ba’aray nga ba’ ni mat’aw rok, ni aram Mattithiah, Shema, Anayah, Uriah, Hilkiah, nge Maaseyah; ma ba sak’iy e tin ni ba’aray e pumo’on nga ba’ ni gilay’ rok, ni aram Pedayah, Mishael, Malkijah, Hashum, Hashbaddanah, Zekariah, nge Meshullam.

Nehemiah 8:6

Me ga’ar Ezra, “Ke sorok SOMOL, ni Got ni ir e ba th’abi ga’!” Ma urngin e girdi’ nra tininged pa’rad ngalang me lungurad, “Amen, Amen!” Miyad ragbug ngar siro’gad ngak Got nge math owcharad nga daken e but’.

Nehemiah 8:8

Miyad afweg e Motochiyel rok Got ko bin ba’aram e thin ni manang e girdi’ fan.

Nehemiah 9:3

Mi ni be’eg ngorad e Motochiyel rok SOMOL ni Got rorad ni gonap’an dalip e awa, ma kogonap’an dalip e awa e ra puwofay niged e denen rorad ma yad be tay fan SOMOL ni Got rorad.

Nehemiah 9:4

Ma ba’ bangi ban’en ni ka ni ngongliy nib tolang boch ni fan ngak e pi Levite, nu daken e ba sak’iy i Jeshua, nge Bani, nge Kadmiel, nge Shebaniah, nge Bunni, nge Sherebiah, nge Bani, nge Kenani riy. Miyad meybil ngak SOMOL ni Got rorad ni ba ga’ lamrad.

Levitikus 10:11

Ma thingar mu filed ngak e girdi’ nu Israel urngin fapi motochiyel ni kug pi’ ngomed u daken Moses.”

Malaki 2:7

Ri maruwel rok e pi prist ni ngar filed e tin riyul’ u murung’agen Got. Girdi’ e susun e ngranod ngorad ngar filed e tin nib m’agan’ug ngay, ya yad e pi tafek thin rok SOMOL ni Gubin ma Rayag Rok.

Deuteronomy 33:10

Bay ra filed ngak e girdi’ rom ni ngu’ur folgad ko pi motochiyel rom; bay ur pi’ed e maligach ngom u daken e altar rom.