Nehemiah 8:12 - Bible Ni Thothup

¹² Me sul urngin e girdi’ nga tabinaw rorad ngar abichgad miyad garbod u fithik’ e felfelan’ miyad pi’ boch e ggan rorad i kay boch e girdi’, ya kar nanged fan fapi thin ni ka ni be’eg ngorad.

Nehemiah 8:12 Σταυροειδείς Αναφορές

1 Kronicles 29:22

Ere rofen nem e ri yad ba felfelan’ ni yad be abich ma yad be garbad u p’eowchen SOMOL. Ma aram e yay ni l’agruw yay ngay nra weliyed u fithik’ e girdi’ ni Solomon e pilung. U fithingan SOMOL e ra gapgep niged riy ni nge mang ir e gagiyeg nagrad me Zadok e nge mang prist.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

Nehemiah 8:11

Me yan e pi Levite ni yad be fal’eg laniyan’ e girdi’ ni nge dabki kireban’rad, ya binem e rran e ba thothup.

Nehemiah 8:13

Me yan i reb e rran riy me cheag e pi lolugen e tabinaw ngak e pi prist nge pi Levite ngranod ngak Ezra ni nge fil ngorad fapi Motochiyel.

Ester 9:22

Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

BABYOR NI JOB 23:12

Gubin ngiyal’ ma gu ma rin’ e tin keyog Got ni ngan rin’; gu ma fol u lanyan’, gathi tin ni taban lanin’ug e gu be fol riy.

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:127

Ba t’uf rog e tin kam ta’chiylen ko gol, bfel’ u wun’ug ko tin th’abi fel’ e gol.

Psalms 119:130

Ra i tamilangan’uy ko machib rom ma ra pi’ e tamilang nge gonop ngak e pi’in ndawor ni sukul nagrad.

Psalms 119:14

Gu ba felfelan’ ni gu be fol ko tin kamog ni ngan rin’, ku gu ba’adag ko bin nge yo’or ban’en rog.

Psalms 119:16

Gu ma felfelan’ ko pi motochiyel rom; ma dab gu pag talin e tin ka mu ta’chiylen.

Psalms 119:171

Bay ug pining e sorok ngom ni gubin ngiyal’, ni bochan e ga be fil ngog e pi motochiyel rom.

Psalms 119:174

A SOMOL, kargum’ ni bochan ni ngam mat’aw nigeg! Gu be pir’eg e felfelan’ u lan e motochiyel rom.

Psalms 119:72

Fare mmotochiyel ni mu pi’ ngog e ba ga’ fan u lanin’ug ko urngin e salpiy u lan e re fayleng ney.

Psalms 119:97

Rib t’uf rog e motochiyel rom! Gu ma par ni gu ma leamnag ni polo’ e rran.

Jeremiah 15:16

Mu non ngog, mu gu rung’ag urngin bug e thin ni mog. SOMOL ni Got ni Gubin ma Rayag Rok, i gur e mmil suwog ngom, ere thin rom e be fal’eg lanin’ug ma be pi’ e felfelan’ ngog.

Luke 24:32

Me lungurow, “Gathi da thamiyew rodow ni bod ba nifiy ni be yik’ u ngorongordow ni fa’ani i welthin ngodow u daken e kanawo’ me weliy fan fapi thin nu babyor nib thothup ngodow?”

Roma 7:18

Gu manang ni tin ni bfel’ e der par u fithik’ag ni aram rarogog nrogon e girdi’. Ya yugu ra gu be yim’ ni bochan ni nggu rin’ e tin ni bfel’, ma dabiyag rog ni gu rin’.

Revelation 11:10

Ma girdi’ nu fayleng e bay ra felfelan’gad nike yim’ e gali cha’nem. Bay ra madnomgad ngar tow’ath niged yad, ni bochan e gali profet nem e ba ga’ e gafgow nra tiyew ngak e girdi’ nu fayleng.