Nehemiah 8:1 - Bible Ni Thothup

¹ Fa’ani taw ko bin medlip e pul ma ke sul yu Israel kar pired ko pi binaw rorad. Rofen ni som’on ko re pul nem e yad gubin nra mu’ulunggad nga Jerusalem nga tagil’ e mu’ulung u mit fare garog ni fithingan e Garog ni Ran. Miyad wenig ngak Ezra, ni ir e prist me ir e ba tamilangan’ ko Motochiyel ni pi’ SOMOL ngak yu Israel u pa’ Moses, ni nge yan i fek fare babyor ko motochiyel.

Nehemiah 8:1 Σταυροειδείς Αναφορές

2 Kings 23:2

miyad yan nga Tempel, nike un e pi prist ngorad nge pi profet, nge urngin e girdi’ nu Jerusalem, ni pi’in ni pire’ ban’en rorad nge pi’in nib gafgow. Me be’eg e en ni pilung u p’eowcherad fare ke babyor nni pir’eg u Tempel ngar rung’aged ni Babyoren fare M’ag ni ngongliy Got u thilrad.

2 Kronicles 34:15

Me ga’ar ngak Shafan, “Ku gu pir’eg fare ke babyoren e Motochiyel u lan e Tempel.” Me pi’ fare ke babyor ngak Shafan,

2 Kronicles 34:30

mranod u ta’bang ko fare Tempel, nike un e prist nge pi Levite nge tin kabay e girdi’, ni tin ni bfel’ rogon nge tin nib gafgow. Me sak’iy fare pilung nga p’eowcherad ni yad gubin me be’eg fare ke babyoren fare m’ag ni ga’ngin ngorad nib ga’ laman, ni fare babyor nni pir’eg u lan e Tempel.

Ezra 7:1

Pire’ e duw nga tomuren ko ngiyal’ ni Artaxerxes e pilung nu Persia, ma bay be’ ni Ezra fithingan nib mo’on ni fak Serayah, nib mo’on ni fak Azariah, nib mo’on ni fak Hilkiah,

Ezra 7:10

Ma ke par Ezra ni be fil urngin fapi motochiyel rok SOMOL, ma be fol riy, ma be fil ngak yu Israel.

Ezra 7:11

Artaxerxes ni Emperor e pi’ e re babyor ni ba’aray ngak Ezra, ni fare prist ma ba tamilangan’, ya rib tamilangan’ ko fapi motochiyel nge tin ni yog SOMOL ngak yu Israel ni ngu’ur rin’ed.

Ezra 7:6

Ezra e chuw u Babylonia. Cha’ ney e be’ nib tamilangan’ ko fare Motochiyel ni SOMOL ni fare Got rok yu Israel e pi’ ngak Moses. Gubin ban’en ni i ning Ezra ngak fare pilung mi i pi’ ngak, ni bochan e fel’eg wa’ath rok SOMOL ni Got rok ngak.

Nehemiah 12:26

Pi girdi’ ney e urmed u nap’an Joyakim, nib mo’on ni fak Joshua nib mo’on ni fak Jehozadak, nge nap’an ni Nehemiah e governor, nge nap’an Ezra ni fare prist ni ir e ba tamilangan’ ko Motochiyel.

Nehemiah 12:37

Nap’an nra tawgad ko fare Garog ni Alublub mar forgad ngalang ko fare tawo’ ni sor ko fare Binaw rok David, mranod ngar paged fare naun rok David ni Pilung ma kar tawgad bayay ko fare yoror ko fare Garog ni Ran u ba’an ngek ko fare binaw.

Nehemiah 8:16

Ma aram me fek e girdi’ papa’ngin e gek’iy ngar toyed nochi naun u daken e chigiy ko naun rorad nib tagapas, ngu lan e yoror ko naun rorad, ngu lan e yoror ko tempel, ngu lan e yoror ko binaw u tagil’ e mu’ulung u to’oben fare garog ni Garog ko Ran fithingan, ngu to’oben fare Garog ni Efraim fithingan.

Nehemiah 8:3

Me be’eg fapi motochiyel ngorad u rom u chuchugur ko fare garog, ni be’eg ngorad ni be puf e woch nge mada’ ko misiw’, ma yad gubin ni ur motoyilgad ngak ni kar uthumed telrad.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Levitikus 9:5

Miyad fek i yib nga mit fare Tent urngin e tin keyog Moses, me mu’ulung piyu Israel ngaram ni ngar liyorgad ngak SOMOL.

Malaki 4:4

“Mu leam niged e pin’en ni i machibnag e tapigpig rog i Moses, ni fapi motochiyel nge fonow ni gu pi’ ngak u daken e Burey ni Sinai ni fan ngak urngin e girdi’ nu Israel ni ngar folgad riy.

Matthew 13:52

Ma aram me fulweg ni ga’ar, “Fan e ren’ey e gubin e tamchib ko Motochiyel ni kar filed murung’agen e gagiyeg ni yib u tharmiy kar manged pi gachalpeg e yad bod be’ ni bay e naun rok ni yan i fek e tin nib be’ech nge tin nib kakrom ban’en u lan e senggil rok nma cha’riy ban’en riy.”

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Matthew 23:2

“Pi tamchib ko Motochiyel nge pi Farise e yad e pi’in kan pi’ mat’awrad ni yad e ngar weliyed fan e Motochiyel rok Moses ngak e girdi’.

Matthew 23:34

Ere nggog ngomed ni bay gu pi’ boch e profet nge boch e girdi’ nllowan’ nge boch e tamchib ngarbad ngomed; ma bay mli’ed boch i yad ngarm’ad, mi gimed richibiy boch i yad ko kuruth, mi gimed toy boch i yad u lan tafen e mu’ulung romed, mi gimed tulufrad u lan e pi binaw i yan.

Deuteronomy 31:11

Nap’an nra mu’ulung gubin yu Israel nga p’eowchen SOMOL ni Got romed ko ta’gin’en tagil’ e liyor, ma ngam be’eg e re motochiyel ney u p’eowchen gubin yu Israel ngar rung’aged.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.

Judges 20:8

Ma gubin e girdi’ ni sak’iy ngalang ta’ab yay me lungurad, “Dariy ta’ab gamad nra sul nga tafen ni demturug ko ma par u lan ba tent ara ba naun.