Nehemiah 7:5 - Bible Ni Thothup

⁵ Me pi’ Got gelngin lanin’ug ni nggu kunuy e girdi’ nge tayugang’ rorad nga ta’bang ni pi tolang ko salthaw ngug guy babyoren e tabnaw rorad. Mu gu pir’eg babyoren e pi’in nsom’on nni kalbus nagrad u lan yu Babylonia ni karsulod, aram e ba’aray e tin nu gu pir’eg:

Nehemiah 7:5 Σταυροειδείς Αναφορές

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

Nehemiah 5:19

Got, gu be meybil ngom ni ngam tay fenamyan ko urngin e pin’en ni ku gu rin’ ni bfel’ ni fan ngak e pi girdi’ ney.

Nehemiah 6:14

Mu gu meybil ni lungug, “Got, mu tay u wun’um e n’en nike rin’ Tobiah nge Sanballat ngam gechignag row. Ma dabi m’ay u wun’um fare pin i Nodiah nge gubin e profet ni yad be guy rogon ni ngar k’aringed e marus ngog.”

Nehemiah 7:4

Fare binaw nu Jerusalem e ba ga’, machane de yo’or e girdi’ ni urpired u langgin, ma dawor i yo’or e naun ni kan toy u langgin e ngiyal’nem.

Proverbs 2:6

I SOMOL e ma pi’ e gonop; ma ir e mayib e llowan’ rok nge tamilangan’.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

1 Korinth 15:10

Machane Got e runguyeg nge ayuwegneg me pingegeg nggu par ni bod rogog e chiney, ma ayuw ni tay ngog e de aw nib m’ayfan. Ya ke thil, nike gel e maruwel ni kug tay ngak urngin e pi apostel, machane gathi gag e gu be rin’ u gelngig, ya Got e be ayuwegneg.

2 Korinth 3:5

Ya dariy rogomad ni nggogned nrayag ni gu ngongliyed e re maruwel ney. Ya gelngimad ni nggu muruwliyed ngay e Got e ke pi’ ngomad:

2 Korinth 8:16

Ri ba ga’ e magaer ni gu pininged ngak Got ni ayuweg Titus nge pasigan’ ni bod gamad nge ayuwegmed!

Kolose 1:29

Ere gu be maruwel nib gel ma gu be athamgil ni nge yag e ren’ey, ni gu be maruwel ko fare gelngin nib th’abi gel ni Kristus e be pi’ ngog, ma ku ir e be maruwel u fithik’ag.

James 1:16

Gimed e pi walageg ni girdi’en Kristus ni gimed ba t’uf rog, mu guyed rogon ya rin ban nagmed!