Nehemiah 6:2 - Bible Ni Thothup

² Ma aram me pi’ Sanballat nge Geshem e thin nge yib ngog, ni yow be yog ni nggu mada’gad ngalan reb fapi binaw nu Ono. Ma kugnang ni bay rogon ni ka ra pur’uy nigew ni ngar gafgow nigewgag.

Nehemiah 6:2 Σταυροειδείς Αναφορές

2 Samuel 20:9

Me ga’ar Joab ngak Amasa, “Fager rog, ke uw rogom boch?” Me yan Joab i kol roben Amasa ko ba’an mat’aw i pa’ ni bod ni nge faray owchen.

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

1 Kronicles 8:12

Elpaal e dalip e pagel ni fak: Eber, Misham, nge Shemed. I Shemed e ir e sunmiy fa gal binaw nu Ono ngu Lod nge yochi binaw nib liyeg e gal binaw nem.

Nehemiah 11:35

Lod, ngu Ono, ngu lan fare Loway ni Kraftmen.

Nehemiah 3:22

Pi prist ni ba’aray e yad e ra ubungyed e yuyang ni ba’aray ko fare yoror: Prist u lan yu Jerusalem e ra ubungyed e gin migid;

Nehemiah 6:3

Mu gu l’oeg e pi tamal’og ni nganog ngorow ni ngan ga’ar, “Gu be rin’ ba maruwel nib ga’ fan, ere dabiyag ni nggub. Dab gu taleg e maruwel ni bochan e nggub gguymew.”

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 37:12

En nib kireb e ma makath nib togopluw ngak e en ni bfel’, ni be gatfiy lan mit ngak u fithik’ e fanenikan.

Psalms 37:32

En nib kireb e ma yip’ owchen ngak e en ni bfel’, ni be guy rogon ni nge thang e fan rok;

Eklesiastes 4:4

Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Jeremiah 41:2

me girengiy Ishmael nge fa ragag i pumo’on e saydon ngar thanged e pogofan rok Gedaliah.

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.