Nehemiah 6:10 - Bible Ni Thothup

¹⁰ Ngiyal’ nem mu gu wan gguy Shemaiah nib mo’on ni fak Delaiah ma tutuw rok Mehetabel, nike par u naun rok ndakir og nga wean. Me ga’ar ngog, “Thingar darow da mithgow ngalan fa gin nib Thothup u lan fare Tempel ngad man’ nigew e mab riy, ni bochan e yad be yib ni ngar thanged e fan rom. Nep e bay ra tawgad ni ngar thanged e fan rom.”

Nehemiah 6:10 Σταυροειδείς Αναφορές

1 Kings 6:5

Mi ni ngongliy e senggil nib wup’ ko rungrung ko tempel, ni ruw raba’ e tempel ni bay riy nge ba ley e tempel. Pi senggil nem e dalip thal, ra ba thal ma medlip nge baley e fit tolngin.

2 Kings 11:3

Nel’ e duw ni chugliy Jehosheba fare pagel ma be mithag u lane Tempel, u nap’an ni Athaliah e repin ni be gagiyeg ni pilung.

2 Kings 9:8

Urngin i chon e tabnaw rok Ahab nge pi’in owchen e ngarm’ad; bay gu thang mit urngin e pumo’on u lane tabnaw rok, nge bitir nge pilbithir ni ta’reb rogon.

2 Kronicles 28:24

Miki mun daken e kireb rok, ya fek urngin gathon fare Tempel nge bilbilig nge yochyang. Me ning mban fare Tempel, me toy bogi altar u gubin yang u Jerusalem.

2 Kronicles 29:3

U lan e bin m’on e pul ko re duw ni mang Hezekiah e pilung me bing bayay fapi garog ko fare Tempel me yog ngan ngongliy bayay e yuyang ni nike kireb riy.

2 Kronicles 29:7

Ra ninged mban fare Tempel, miyad pag fapi magal nge math, ma ku ra paged i urfiy e incense ara maligach ni mo’oruf u lan fare Tempel rok Got nu Israel.

Ezra 10:31

Fare ke girdi’ rok Harim: Eliezer, Isshijah, Malkijah, Shemayah, Shimeon, Benjamin, Malluk, nge Shemariah

Ezra 8:16

Mug mol’og nge yan ngak mereb e tayugang’: Eliezer, Ariel, Shemaiah, Elnathan, Jarib, Elnathan, Nathan, Zekariah, nge Meshullam, nge l’agruw i sensey, ni Joyarib nge Elnathan.

Nehemiah 6:12

Mu gu par ngu’ug leamnag mu gunang ni gathi Got e ke non ngak Shemaiah, ya Tobiah nge Sanballat e kar pi’ew talin ni nge yibi ginangeg.

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 37:12

En nib kireb e ma makath nib togopluw ngak e en ni bfel’, ni be gatfiy lan mit ngak u fithik’ e fanenikan.

Proverbs 11:9

Rayag ni nge kireb nigem e thin rok e girdi’ ni denang Got, machane gonop ko pi’in mat’aw e rayag ni aywegem.

Jeremiah 36:5

Ma aram mu gog ngak Baruk e n’en ni nge rin’, “Kan talegeg ndab kug un ngalan e Tempel.

Ezekiel 3:24

machane me yib gelngin Got i ying ngog me sak’iy nigeg. Me ga’ar SOMOL ngog, “Mman nga tabinaw rom ngam man’nag e mab ngom.

Malaki 1:10

I SOMOL ni Gubin ma Rayag Rok e be ga’ar, “Gu be athapeg ni mang e ning bigmed mban e Tempel, ya nge dab kumu k’oreged e nifiy nib mm’ay fan u daken e altar rog. Ya kam kirebgad u wun’ug; dabi fel’ u wun’ug e pi maligach ni gimed be fek i yib ngog.

Matthew 7:15

“Mu ayuwgad ko profet nde riyul’; ya bay rabad ngomed ni yad bod e saf u wuru’ i dowrad, machane u fithik’ i lanin’rad e ri yad bod e wolf nma k’ad.

John 3:20

Ya en nma rin’ e tin nib kireb e fanenikan fare tamilang ma dabi yib ko fare tamilang, ya dabun ngongolen nib kireb ni nge m’ug.

Acts 21:30

Me wagey e girdi’ u lan fare binaw ni polo’ ni kar balyanggad, me mil e girdi’ ni gubin i yan ngar koled Paul ngar girngiyed u Tempel nga waen. Ka chingiyal’ nem min ning fapi mab ko Tempel.