Nehemiah 4:10 - Bible Ni Thothup

¹⁰ Girdi’ nu Judah e bay ba tang rorad nron’ed ni ga’ar: Be m’ay gelngimad ni bochan e gachowor, malang nike muchubu’ ni ngan chuweg e pire’, ra diin me yag ni gu mu’ niged e re yoror ney e daba’?

Nehemiah 4:10 Σταυροειδείς Αναφορές

2 Kronicles 2:18

Me tay 70,000 i yad ni girdi’en e gachwor ma 80,000 e girdi’en e th’um malang u daken e pi burey, me turguy 3,600 ni ngu’ur guyed e maruwel nge yan i m’ay ni bfel’ rogon.

2 Kronicles 34:13

Ma boch e Levite e ba milfan ngorad e gachowor ma yad be tay murung’agen e yu raba’ i maruwel, ma boch e ma ayweg babyoren e maruwel ara matnag.

Nehemiah 4:11

Pi to’ogor romad e ra leam niged ndab gguyed yad ara gu nanged e n’en ni nge buch nge mada’ ko ngiyal’ ni ngar anoggad ngomad, ngar thanged e pogofan romad me mus e re maruwel romad ney u roy.

Nehemiah 4:2

Me welthin u p’eowchen e pi’in yad be un ngak nge pi salthaw nu Samaria ni ga’ar, “Mang e be leamnag e pi Jew ni gafgow ney ni yad be rin’? Gur yad be leamnag ni ngar fulweged e re binaw ney nga rogon? Gur yad be finey ni ngar pi’ed e gamanman ni maligach miyad mu’nag e re maruwel nem u lan ta’reb e rran? Gur ku rayag ni ngar fanayed e malang ko bin kakrom e yoror ni kan buthug ma kan urfiy?”

Nehemiah 4:9

Ma gamad meybil ngak e Got romad mu gu ted e girdi’ ni nge matanag ni bochrad ni rran nge nep’.

Ezekiel 29:18

“Fak e girdi’, Nebukadnezzar ni Pilung nu Babylon e ke m’ag e mael nga Tyre. Ke gafaliy e salthaw rok kar feked e chugom ni rib tomal ni be meligich u daken lolugenrad ke modro’ nagrad ma ke fath e biyach u porad, machane Nebukadnezzar nge salthaw rok e de yag nra koled yu Tyre.

Haggai 1:2

I ga’ar SOMOL ni Gubin ma Rayag Rok ngak Haggai, “Pi girdi’ ney e yad be yog ni gathi aray e ngiyal’ ni bfel’ ni ngan toy bayay fare Tempel.”

Numbers 13:31

Machane fapi girdi’ nra uned ngak Kaleb nga ranod e lungurad, “Dabiyag ni ngad m’aged e mael ngorad ya gadad bme’ewaer; ya ba gel e mal’af riy ni yad ba gel ngodad.”

Numbers 32:9

Mranod i yan nga talang ko Loway nu Eshcol miyad guy fare binaw, machane fa’anra sulod, miyad l’uf lanyan’ e girdi’ ko yan ko fare binaw nike pi’ SOMOL ngorad.