Nehemiah 3:4 - Bible Ni Thothup

⁴ I Meremoth nib mo’on ni fak Uriah nib mo’on ni fak Hakkoz, e ubung e gin migid. Meshullam, nib mo’on ni fak Berechiah ma tutuw rok Meshezabel, e ubung e gin migid. Zadok nib mo’on ni fak Baana e ubung e gin migid.

Nehemiah 3:4 Σταυροειδείς Αναφορές

Ezra 2:61

Pi yuke girdi’ ni ba’aray ko prist e da yag ni ngar micheged e gin ni yib e ga’ rorad riy kakrom: Habayah, Hakkoz, nge Barzillai. (En ni sum fare ke girdi ko Barzillai rok e le’engiy be’ ni bpin ni fak Barzillai nu Gilead me fek fithingan e chitamngin fa en ni le’engin.) Machane babyoren e re dalip i tabnaw ney e dan pir’ieg, ere dariy bagyad nni pag ni nge pigpig ni prist.

Ezra 8:33

Ma aram me yan i aningeg fen ma gamad yan ko fare Tempel, nggu thabthabel niged fapi silber, gol, nge pi tatalin e maruwel, nggu pi’ed ngak Meremoth ni fare prist, nib mo’on ni fak Uriah. Ma pi’in yad bay rok e Eleazar nib mo’on ni fak Finehas nge l’agruw i Levite ni Jozabad nib mo’on ni fak Jeshua nge Noadiah nib mo’on ni fak Binnui.

Nehemiah 10:15

Bunni, Azgad, Bebai,

Nehemiah 10:21

Meshezabel, Zadok, Jaddua,

Nehemiah 10:7

Meshullam, Abijah, Mijamin,

Nehemiah 3:21

Meremoth, nib mo’on ni fak Uriah ma tutuw rok Hakkoz, e ubung e gin migid, nge yan nga talang nge mada’ nga taban e naun rok Eliashib.

Nehemiah 3:3

Fare ke girdi’ rok Hassenaah e ra ngongliyed fare Garog ni Nig. Miyad ayliy e duga’ riy nge mab riy nga tagil’, miyad tay e pi man’ riy ngay nge yuley i dubchey ni fen e lok ko fare garog.

Nehemiah 3:30

Hananiah nib mo’on ni fak Shelemiah nge Hanun, ir e bin nel’ e pumo’on ngay ni fak Zalaf, e ra ubungyew e gin migid, ni aram e gin l’agruw ngay nra ubungyew. Meshullam nib mo’on ni fak Berekiah e ubung e gin migid, ni bay u mit e naun rok.

Nehemiah 3:5

Pi pumo’on nu Tekoa e ra ubungyed e gin migid, machane pumo’on nma gagiyeg u lan fachi binaw e rsiyegned ni ngar ngongliyed e maruwel nib gel nibe duwgiliy e pi tolang ko maruwel ni yad e ngar rin’ed.

Nehemiah 6:18

Bo’or e girdi’ nu Judah ni go’ yad ba fol ngak ni bochan e re mo’on ni chitamngin e re pin ni le’engin e ba Jew ni aram Shekaniah nib mo’on ni fak Arah. Ma ku er i tay Jehohanan nib mo’on ni fak nike le’engiy be’ ni bpin ni fak Meshullam nib mo’on ni fak Berekiah.

Nehemiah 7:63

Tin ba’aray e yuke girdi’ ko prist e dan pir’eg babyorenrad ni nge gagyel ko mini e ga’ rorad kakrom: Hobaiah, Hakkoz, nge Barzillai. (En ni ga’ ko fare ke girdi’ rok Barzillai ni prist e le’engiy be’ ni bpin ko fare ke girdi’ rok Barzillai nu Gilead me fek fithingan fare ke girdi’ rok e chitamngin le’engin.) Ma bochan e de yag ni ngar micheged ko mini’ e pi ga’ rorad kakrom, ma aram e de ni mang nagrad prist.