Nehemiah 2:5 - Bible Ni Thothup

⁵ me lungug ngak fare pilung, “Fa’anra gub fel’ u wun’um i gur pilung ma mm’agan’um ko n’en ni nggu wenignag ngom, me ere mpithig ethin ngog nggu wan nga Judah, ko fare binaw ni kan k’eyag pi ga’ rog riy kakrom, nge yag ni gu ngongliy bayay fare binaw.”

Nehemiah 2:5 Σταυροειδείς Αναφορές

2 Samuel 14:22

Me paraw Joab nga but’ u p’eowchen David ni aram e ke tay fan, me ga’ar, “Pilung, i Got e ngi i fal’eg wa’atham! Chiney e kug nang ni gub fel’ u wun’um, ya kamog e kefel’ ko tin ni kug wenignag ngom.”

Ezra 5:17

“Chiney, e fa’anra ba m’agan’um ngay i gur e en pilung, magog ngan gay u lan babyoren e pilung u Babylon ngan nang ko yog Cyrus ni Pilung ni ngan toy bayay e re Tempel ney u lan yu Jerusalem fa dangay, magog ngomad ko mang e n’en ni ga be leamnag ko ren’ey.”

Nehemiah 2:4

Me fith fa en ni pilung ngog ni ga’ar, “Mang e gab adag ni nggu ayuwegnem riy?” Mu gu meybil ngak fare Got nu tharmiy,

Nehemiah 2:6

Fare pilung e m’agan’ ko n’en kug ning. Bay le’engin u to’oben, me ga’ar fare pilung ngog, “Uw n’umngin nap’an ni ngam milekag ma wu’in e ga ra sul?” Mu gog ngak n’umngin nap’an, me fel’ u wan’ ni nge pageg nggu wan.

Ester 1:19

Fa’anra ba m’ag u wun’um i gur Pilung me ere mog lungum nge garer ni Vashti e darkiy e ngiyal’ ni nge yib nga p’eowchem. Mog ngan yoloy ngalan e motochiyel nu Persia ngu Media ya nge dabkiyag ni ngan thilyeg. Ma aram mag pi’ e liw rok ni queen ngak reb e bpin nib manigil boch ngak.

Ester 5:8

“Fa’anra ri gab gol i gur Pilung ni ngam pi’ ngog e n’en ni nggu maraynag, me’ere gu ba’adag ni ngkug piningem nge Haman gabul nga reb e mur ni bay gu fal’eg rogon ni fenmew. Ma aram e ngiyal’ ni bay gog ngom e n’en ni gu ba’adag.”

Ester 7:3

Me fulweg Queen Ester ni ga’ar, “Fa’anra ba m’agan’um ngay i gur Pilung ni ngam pi’ e n’en ni gu be siro’nag ma gu be wenignag ngom, ni dab ni thang e pogofan rog nge girdi’ rog.

Ester 8:5

“Fa’anra bfel’ u wun’um i gur pilung ma fa’anra gub t’uf rom, ma ga be finey nib mat’aw, ma wenig ngom mu yoloy bang e babyor ngam siyeg e tin keyog Haman nib mo’on ni fak Hammedatha ni owchen Agag, ni ngan rin’ ni fan e nge mathmit gubin e Jew ni bay u tan gil’ilungum.

Proverbs 3:4

Fa’an ga ra rin’ ni arrogon, ma ga ra fel’ u wan’ Got nge girdi’.

Daniel 9:25

Mu telim ko tin ba’aray ma ga tay uwan’um ngam nang: Ngiyal’ ni nog ni ngan fulweg yu Jerusalem nga rogon nge yan i mada’ ko ngiyal’ nike yib e en nike turguy Got ni nge gagiyeg, e medlip yay e medlip e duw nap’an. Bay ni fulweg yu Jerusalem nga rogon ni kanon’ e yu pa’ i kanawo’ riy, ma kansuwoneg e pi yoror nib longbiy e binaw ni fan ko mael, ma bayi par ni medlip yay e nel’ i ragag nge l’agruw e duw, machane bayi par ni ba ngiyal’ ni ba yo’or e wagagey nge gafgow.

Matthew 23:27

“Kari mu gafgowgad e pi’in tamchib ko Motochiyel nge gimed e pi Farise! Ya gimed be dake moding niged gimed! Gimed bod malangen e yam’ ni kan achey wuru’ ko wech, ni bfel’ ya’an u wuru’ ma ba sug lan ko yil nge meal.

Ruth 2:13

Me fulweg Ruth ni ga’ar, “Ri gab gol ngog; kam pi’ e athamgil nga lanin’ug ko thin ni ga be yog ngog nib munguy, ni yugu aray rogog ni de ta’reb tolngig ngak reb e pi tapigpig rom.”