Nehemiah 2:14 - Bible Ni Thothup

¹⁴ Ma aram mu gu wan riy ko fa binem e Garog ni Athang’el ko fare Lipath rok e en Pilung; ma de pir’eg fare gamanman ni gu bay u daken bang ni nge yan riy.

Nehemiah 2:14 Σταυροειδείς Αναφορές

2 Kings 18:17

Me l’oeg fare pilung nu Assyria barba’ i salthaw nib ga’ u Lakish ngranod nga Jerusalem ni ngar maelgad ngak Hezekiah, ni be gafaliyrad dalip i pilungen e salthaw nib tolang. Fa’anra tawgad nga Jerusalem, miyad par ko fare pa’ i kanawo’ u to’oben fa gin’en ni yima wechwechnag e mad riy ni yu mbul, nib chugur ko fare wol’ e lul’ ni yib ko fare lipath ni ba’ nga tolang.

2 Kings 20:20

Gubin e tin i rin’ Hezekiah ni Pilung, ni pi ngongolen e madangdang rok, nge rogon ni ngongliy bangi ran nge ker ba lul’ u tane but’ nge yib e ran ngalan fare binaw, e yi go’ kani yoloy ngalan e babyor ni Chepin e Pilung nu Judah.

2 Kronicles 32:30

Hezekiah ni Pilung e ir e ning fare alublub nu Gihon me ngongliy wol’ fare ran nge yan u tan e but’ i yan ngalan pi yoror u Jerusalem. Gubin ban’en ni ngongliy Hezekiah me yan i aw ni bfel’ rogon,

Nehemiah 12:37

Nap’an nra tawgad ko fare Garog ni Alublub mar forgad ngalang ko fare tawo’ ni sor ko fare Binaw rok David, mranod ngar paged fare naun rok David ni Pilung ma kar tawgad bayay ko fare yoror ko fare Garog ni Ran u ba’an ngek ko fare binaw.

Nehemiah 3:15

Shallum nib mo’on ni fak Kolhozeh, ni ir e ma gagiyeg ko binaw nu Mizpah, e ki ubung bayay fare Garog ni Athang’el. Me upunguy fare garog, me ayliy nga tagil’ me tay e pi man’ riy ngay nge fa yuley i dubchey ni lok riy. Ma fare Lipath nu Shelah e ubung e yoror riy nib chugur ko fare milay’ ko pilung, ni yan nge mada’ ko fapi tawo’ ni log ko fare Binaw rok David.

Nehemiah 3:16

Nehemiah nib mo’on ni fak Azbuk, ni ir e ma gagiyegnag baley e binaw nu Bethzur, e ir e ubung e gin migid, ni yan nge mada ko malangen e yam’ rok David, nge fare lipath, nge fare naun ni tafen e salthaw.

Eklesiastes 2:6

gu ker e pi lipath ni nge mit e ran riy, ni fan ko gek’iy.