Nehemiah 2:13 - Bible Ni Thothup

¹³ Kab nep’ mu gu chuw u lan binaw ni gu wan u langan fare garog ni Garog ni Loway fithingan, ni bay ko ba’ ni ngal e yoror ko binaw, mu gu sor riy ngalan e yimuch nggu wan u to’oben fare athang’el ni Dragon fithingan mu gu wan u rom ko fa binem e Garog ni Dow fithingan. Gu be yan ma gu be lekag e yu yang nike puth ko yoror ko binaw nge pi garog nike gathay e nifiy.

Nehemiah 2:13 Σταυροειδείς Αναφορές

Nehemiah 1:3

Miyad ga’ar ngog. “Pi’in nra mageygad ndar m’ad u lan binaw nra milgad u kalbus e yad be gafgow, ma yi be changar ngorad nga but’; ma fare yoror nu Jerusalem e ke puth nga but’, ma pi garog riy e ke mo’oruf nga but’.

Nehemiah 2:17

Ma aram me lungug ngorad, “Kam guyed e gafgow ni kad awgad nga fithik’, ke mogothgoth e binaw nu Jerusalem nge pi garog riy nike kireb! Ngad ubunged e yoror ko re binaw ney nge dab ku un darifannagdad.”

Nehemiah 2:3

mu gu fulweg ni lungug, “Pilung, ngam par ndariy n’umngin nap’an! Ra di’in mu gu par ndabi kireban’ug ni re binaw ni ka ni k’eyag e pi ga’ rog riy kakrom e ke mogothgoth ma pi garog riy e kan urfiy?”

2 Kronicles 26:9

Me gelnag Uzziah e yoror ni fan ko mael u Jerusalem ni ubung e pi wulyang ni tafen e damit ko bin Tabthung e Garog, nge bin Loway e Garog, nge gin ni chiygog e rungrung riy.

Nehemiah 12:31

Mug kunuy e pi tayugang’ nu Judah nga p’ebugul fare rungrung mug tarad ni nge milfan ngorad l’agruw i ulung nib ga’ ni ngar liyeged fare binaw ni yad be pining e magaer ngak Got. Bin m’on e ulung e ranod u ba’ ni mat’aw nga daken fare rungrung ni sor ko Garog ni Dow.

Nehemiah 2:15

Ma aram e guwan e re nep nem u charen e loway ni gu be lekag fare yoror; mu gu cheal nggu sul u langan fa binem e Garog ni Loway, nggu wan ngalan binaw.

Jeremiah 5:10

Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.

Nehemiah 2:12

da gog ngak be’ e n’en ke tay Got nga lanin’ug ni nggu muruwliy ni fan ngak yu Jerusalem. Me lukngun e nep’ mu gu od me un in e pumo’on ngog nggu warod. Ta’are gamanman ni gu feked nge un ngomad e re dongki ni ba’aram ni gu af nga daken nggu warod.