Nehemiah 2:12 - Bible Ni Thothup

¹² da gog ngak be’ e n’en ke tay Got nga lanin’ug ni nggu muruwliy ni fan ngak yu Jerusalem. Me lukngun e nep’ mu gu od me un in e pumo’on ngog nggu warod. Ta’are gamanman ni gu feked nge un ngomad e re dongki ni ba’aram ni gu af nga daken nggu warod.

Nehemiah 2:12 Σταυροειδείς Αναφορές

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

Nehemiah 2:11

Mu gu wan nga Jerusalem, mu gu par u rom ni dalip e rran

Nehemiah 2:13

Kab nep’ mu gu chuw u lan binaw ni gu wan u langan fare garog ni Garog ni Loway fithingan, ni bay ko ba’ ni ngal e yoror ko binaw, mu gu sor riy ngalan e yimuch nggu wan u to’oben fare athang’el ni Dragon fithingan mu gu wan u rom ko fa binem e Garog ni Dow fithingan. Gu be yan ma gu be lekag e yu yang nike puth ko yoror ko binaw nge pi garog nike gathay e nifiy.

Psalms 122:6

Mu meybilgad ni nge aw e gapas u Jerusalem ni lungumed, “Manga yigi fel’ rogon e pi’in ga ba t’uf rorad!

Psalms 51:18

Got, mu runguy yu Zion, ngam ayuweg; mu ubung bayay e yoror nib liyeg e binaw nu Jerusalem.

Proverbs 12:23

Girdi’ nib tamilngan’ e yad ma th’ab gulungrad ko n’en ni yad manang, ma pi’in pinat e yad ma gagyelnag farad manan’.

Eklesiastes 3:7

nge ngal’an ni ngan guchthuy nge ngal’an ni nga nip’; ngal’an ni ngan th’ab gulungey nge ngal’an ni ngan welthin.

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Amos 5:13

Ere, bin ni bfel’ ni ngan rin’ e ngan th’ab gulngay ko ngiyal’ney nike gel e kireb.

Mikah 7:5

Dabi mich u wun’um e tin be yog e en ni gimew ba buguliyoror ara pagan’um ngak e en ni gimew tafager. Mus ngak le’engim ma ngam ayuw ko tin ga ra weliy ngak.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Matthew 2:14

Me sak’iy Josef, nge fek fare tir nge chitiningin, nge yan ni kab neap’ nga Egypt,

2 Korinth 8:16

Ri ba ga’ e magaer ni gu pininged ngak Got ni ayuweg Titus nge pasigan’ ni bod gamad nge ayuwegmed!

Joshua 10:9

Reb e nep’ ni yan Joshua u Gilgal nge mada’ ngaram, me cham ngorad nib tomgin.

Revelation 17:17

Ya ke tay Got ngalan gum’ircha’rad ni ngar ngongliyed e tin be finey, ni nge ta’reban’rad ngar pi’ed gelngirad ngak fare gamanman, ni nge yib gelngin nge gagiyeg nge yan i mada’ ko ngiyal’ nra yib i m’ug nike riyul’ e thin rok Got.

Judges 6:27

Me fek Gideon ragag e tapigpig rok nge rin’ e tin keyog SOMOL ngak. Me rin’ ni nep’, ya be tamdag ngak girdi’en e tabinaw rok nge girdi’ nu lan binaw.

Judges 9:32

Ere gimed e tirom e girdi’ e ngam marod nnep’ ngam mithgad u daken e falang.